domingo, 22 de marzo de 2026
Galicia rexistrou ao longo do ano 2018 a mellor evolución da súa poboación dos últimos nove anos, segundo reflicten os datos do Padrón Municipal a 1 de xaneiro de 2019 publicados hoxe polo Instituto Nacional de Estadística (INE).
En concreto, a poboación de Galicia a 1 de xaneiro de 2019 situouse en 2.699.499 persoas, o que supón un descenso do 0,08% (-2.244 persoas) en comparación coa mesma data do ano anterior. É a mellor evolución do padrón municipal galego desde o ano 2010, cando tamén rexistrara unha baixada do 0,08% en comparación co exercicio precedente.
Esta mellor evolución da poboación galega é consecuencia directa do bo comportamento do saldo migratorio, toda vez que Galicia conseguiu atraer milleiros de novos habitantes procedentes de fóra da comunidade autónoma. De feito, segundo os datos do INE, en 2018 entraron a vivir en Galicia 13.136 persoas máis das que saíron a outras partes de España ou ao estranxeiro.
Neste apartado foi clave á excepcional evolución do saldo migratorio co estranxeiro, xa que en 2018 entraron en Galicia procedentes do exterior 12.884 persoas máis das que saíron a outros países. De feito, o saldo migratorio de Galicia co estranxeiro medrou un 88,6% respecto ao ano 2017, segundo os datos publicados polo INE.
As cifras do padrón municipal publicadas hoxe tamén mostran que a evolución da poboación de Galicia foi mellor que a do resto de comunidades autónomas colindantes. O descenso poboacional rexistrado en Galicia (-0,08%) no ano 2018 é moi inferior ao que se produciu en Asturias (-0,53%) e Castela e León (-0,40%), e tamén é mellor que o da comunidade de Estremadura, onde a poboación baixou un 0,48%.
Revisión á alza de 624 habitantes
Os datos publicados hoxe polo INE revisan os xa publicados por este organismo no pasado mes de abril. En comparación coas cifras publicadas naquel momento Galicia rexistra 624 habitantes máis, xa que a cifra do padrón municipal publicada de xeito provisional foi de 2.698.875 persoas.
Coralinda é unha comedia xestual dirixida a público familiar e infantil. A través dunha linguaxe xestual fundamentada na manipulación de obxectos e na interacción constante co dispositivo escénico, a obra constrúe un universo cómico e poético que transita do realismo á hipérbole da vida cotiá. Unha proposta escénica ao estilo dos debuxos animados que aborda a temática da inmigración e do medio ambiente desde o humor, a poesía visual e a emoción. A obra convida a reflexionar sobre as experiencias das persoas que viaxan lonxe da súa terra.
Foi presentadoo o novo festival Sons de Vigo que se celebrará do 27 de marzo ao 4 de abril no Ifevi. Este evento aposta tanto por grandes nomes do panorama nacional como por artistas locais da escena galega. A presentación, celebrada no Paseo das Avenidas, xunto ao monumento a Julio Verne como un dos símbolos de Vigo, contou coa actuación de Castle e Milutxo, músicos locais que ofreceron varios dos seus temas. Sons de Galicia forma parte da programación dos Concertos do Xacobeo organizados pola Xunta de Galicia, unha iniciativa que impulsa a celebración de grandes citas musicais en Galicia. O ciclo comezará o 27 de marzo con Lingua Urbana, un dos cinco eventos musicais que acollerá o Ifevi dentro desta programación.
