martes, 15 de julio de 2025
Das candidaturas seleccionadas sete son empresas xa constituídas nos últimos anos que, logo de teren conseguido poñer no mercado novos produtos e servizos, poderán agora recibir apoio para a procura de investimentos, potenciar os labores de comercialización e saír ao mercado ou potenciar a súa actividade internacional. É o caso de Taste Lab, QuBiotech, Celtalga, Software 4 Science, HGBeyond, i-Grape e INTERA.
Outras catro das propostas seleccionadas (LiberaBio, MatPrint, Diversa e Fluorotools) xa recibiran apoio do Programa Ignicia da Axencia Galega de Innovación (GAIN) durante os últimos 12 ou 24 meses e neste momento encóntranse en fase de constitución. Dende BioIncubaTech poderán agora recibir apoio para captación de talento, busca de investidores, desenvolvemento comercial e internacionalización. Pódese deste xeito constatar a complementariedade entre programas xa existentes no ecosistema galego de biotecnoloxía (como o programa Ignicia) e BioIncubaTech. Os apoios da bioincubadora permitirán avanzar na consolidación de proxectos que xa tiñan percorrido parte do seu camiño cara ao mercado a través de Ignicia.
Estas sinerxías con outros programas detectáronse tamén no caso dalgún proxecto que pode recibir distintos tipos de apoio a través de BioIncubaTech e da Business Factory Food de Clusaga. O resto dos proxectos aprobados atópanse nunha fase máis incipiente e recibirán apoio para rematar o seu plan de empresa, captar talento empresarial e/ou financiamento e iniciar a súa actividade comercial a nivel nacional ou internacional.
Saúde
No ámbito da saúde hai varios proxectos que tratan de desenvolver mecanismos para que os axentes terapéuticos (fármacos ou material biolóxico) cheguen de xeito máis efectivo ao seu destino (diana terapéutica). As aplicacións das técnicas da xenómica e a medicina personalizada, tamén están presentes entre os obxectivos dalgúns dos proxectos que obtiveron mellores valoracións. Tamén hai casos nos que se hibridan de xeito eficaz os ámbitos de Coñecemento da medicina co das tecnoloxías da información e comunicacións. E tamén algúns centrados no desenvolvemento de novas vacinas ou dispositivos de uso no ámbito hospitalario.
Alén disto, hai varios proxectos seleccionados en torno á obtención de extractos de recursos naturais e sectores económicos moi vinculados a Galicia. A aplicación deses extractos van dende o ámbito da cosmética, a hixiene animal ata o do desenvolvemento de novos aditivos alimentarios de carácter máis saudable.
As propostas elixidas son, en formato de incubación física (módulos de incubación): HGBeyond, Celtalga Extract, I-Grape In-yectable para Mastitis Bovina, Arnigal Cultivos, ou a creación dun Laboratorio de Análise de Gas Radon en Interiores. Tamén en formato de incubación física, en espazo de coworking, figuran Diversa, Libera Bio, Genomes & Disease, Matprint, Bactidec ou Stelabus.
En Incubación virtual foron seleccionados Biobalmis, Qubiotech Health Intelligence S.L., BFlow, Taste Lab, Traffikgene, Ibonelab S.L.; FluoroTools, Terapia Contra la Metástasis, Hifas Vet, Materias Primas Ácidos Grasos Ozonizados, ou Aguas de Vino Enriquecidas en Antioxidantes Naturales.
Os proxectos foron seleccionados por un comité representado pola USC e o resto dos socios do proxecto: Uninova, Cámara de Comercio de Santiago, GAIN, BIOGA e CLUSAGA, cuxa presenza contribúe a unha integración máis efectiva entre os centros xeradores de coñecemento (universidades e outros centros públicos) e o sector empresarial.
Que é BioIncubatech?
Trátase da primeira bioincubadora de Galicia e a única en España especializada en proxectos biotecnolóxicos aplicados á saúde e ao sector agroalimentario. BioIncubaTech conxuga dotación de infraestruturas e programas de incubación e aceleración, para conseguir atraer talento emprendedor e resultados de investigación de todo o mundo a Galicia.
Esta nova infraestrutura, cuxa sede está situada no edificio Emprendia da USC, ofrece apoio e espazo para a incubación tanto de micropemes como de proxectos do ámbito biotecnolóxico: espazos de traballo privativos (laboratorios e oficinas); instalacións e equipamentos especializados en réxime compartido (salas: branca, de cultivo celular, de bioloxía molecular, de equipamentos de gran volume e de almacenamento de mostras); ademais de programas coordinados de apoio no ámbito da transferencia de tecnoloxía, desenvolvemento de negocio, internacionalización e financiamento. Ademais, proporciona un acceso preferente a infraestruturas científicas da USC.
Alén da infraestrutura científico-técnica proporcionada, as empresas usuarias de BioIncubatech contarán cunha serie de programas de apoio en catro eidos fundamentais de actividade: a transferencia de coñecemento e xestión da innovación; captación e xestión de talento directivo; coordinación e networking internacional; e captación de investimento e xestión financeira.
O Festival Abanea celebrará entre o 16 e o 20 de xullo a súa cuarta edición cun programa de danza contemporánea de distintos estilos que distribuirá 15 funcións de nove compañías entre os concellos de Ames, Outes, Marín, Foz e Celanova. ISMO Cultura, colectivo organizador do encontro, estenderá así a súa actividade de exhibición e dinamización ás catro provincias. A bailarina Andrea Castro presentou a primeira fase do espectáculo Lola y los lamentos, como artista seleccionada para o acompañamento bienal 20252026 co que o festival apoia procesos de creación de artistas emerxentes e que nesta edición terá como resultado a estrea de 'A mona de seda'.
A campaña de Trens Turísticos da Xunta de Galicia sigue o seu percorrido este mes de xullo de xullo con varios dos traxectos practicamente vendidos, o que da mostra da excepcional acollida deste produto turístico deseñado por Turismo de Galicia en colaboración con Renfe e o Instituto Ourensán de Desenvolvemento Económico INORDE, dependente da Deputación de Ourense. Cun nivel xeral de ocupación do 71,4%, aínda quedan billetes sobre todo para as saídas de agosto, setembro e outubro. Están á venda a totalidade dos traxectos que compoñen o programa de Trens Turísticos de Galicia. As persoas que queiran gozar desta experiencia singular, que une o desprazamento en tren con visitas a lugares senlleiros da comunidade, teñen aínda oportunidade de comprar o seu billete para os traxectos nos que quedan prazas.
