sábado, 19 de septiembre de 2026
As cifras do INE constatan a boa marcha do turismo galego e a súa evolución positiva en comparación co conxunto de España. De feito, no que vai de ano, os hoteis galegos lideraron o crecemento de viaxeiros e de noites a nivel estatal. Ademais, a nosa Comunidade rexistra un comportamento positivo nos tres grandes segmentos de mercado, especialmente no que se refire ao turismo estranxeiro. Así pois, o turismo interno medrou un 2,6%, o nacional un 4,7% e o internacional un 11,1% con respecto ao ano pasado superando os 2 millóns de noites, unha cifra que supón un máximo histórico.
Do mesmo xeito, rexistrouse unha mellora nos indicadores de calidade, reflexando a aposta do Goberno galego pola mellora da competitividade do sector. Neste sentido, os ingresos do sector hoteleiro medraron un 8% no que vai de ano roldando os 300 millóns de euros de beneficio e a ocupación creceu case dous puntos, mentres que a estadía media se mantivo estable.
Crecemento no mes de novembro
Con respecto ao mes de novembro, os datos do INE amosan a capacidade do turismo galego para medrar en tempada media-baixa e malia a inestabilidade meteorolóxica rexistrada nas últimas semanas. Neste sentido, a demanda hoteleira medrou un 1,1%, acadando as 505.406 noites, a cifra máis elevada dos últimos doce anos; mentres que o número de viaxeiros creceu un 2,2%, situándose nos 242.437.
Neste eido, destaca especialmente o crecemento de visitantes estranxeiros, con preto de 89.000 noites, acadando a segunda cifra máis elevada da serie histórica nun mes de novembro, só por detrás de 2017.
Medio milleiro de investigadoras e investigadores e máis de 150 actividades científicas nas sete cidades galegas: Vigo, Ourense, Pontevedra, Santiago, A Coruña, Ferrol e Lugo. Así se celebrará en Galicia a sexta edición da Noite Galega das Persoas Investigadoras, G-Night 2026, unha actividade na que a comunidade científica galega une talento e esforzos co obxectivo de achegar a ciencia á cidadanía e espertar vocacións científicas, ao tempo que se ofrecen propostas de lecer científico, cultural e educativo para toda a familia.
A Xunta de Galicia reclama ao Goberno central medidas estruturais de apoio ao sector agrogandeiro. Do mesmo xeito, esíxese que se teña en conta a realidade de cada territorio á hora de levar a cabo estas actuacións, que deben executarse de xeito urxente. Así o trasladou a conselleira do Medio Rural, María José Gómez, na Conferencia Sectorial celebrada en Madrid, na que se dirixiu ao ministro de Agricultura, Pesca e Alimentación, Luis Planas, para facer estas reclamacións. Alí, reafirmou tamén o compromiso do Executivo galego con este sector.
