sábado, 28 de marzo de 2026
O encontro permite escoitar de primeira man as visións doutros países, as iniciativas europeas e da industria, á vez que identifica as oportunidades e expón accións conxuntas de forma eficiente.
Neste senso, a Rede Galega de I+D de Medicamentos REGID, participante no foro, pretende xerar sinerxías e unha masa crítica que permita a transferencia do alto nivel de investigación biomédica en Galicia. Regid é actualmente unha rede consolidada e estruturada con 36 grupos de investigación constituídos en 30 unidades de investigación independentes procedentes das tres universidades do sistema galego, os tres complexos hospitalarios universitarios de Galicia e de universidades do norte de Portugal.
Pola súa parte, a Rede Temática de descubrimento de fármacos REDEFAR conecta a experiencia internacional en I+D aplicada ao descubrimento temperán de fármacos de dez equipos multidisciplinares e complementarios españois entre os que se atopa a USC. Esta Rede permite a coordinación, cohesión, fortalecemento e visibilidade das capacidades españolas en descubrimento de fármacos e leva a cabo a súa conexión internacional..
A Rede Estratéxica ES- OPENSCREEN está formada polos grupos das entidades españolas acreditadas polo ERIC EU-OPENSCREEN, entre as que tamén se atopa a USC, e diríxese á consolidación e posicionamento estratéxico do nodo español na rede ERIC EU- OPENSCREEN. A Xunta de Galicia co financia a participación galega neste consorcio europeo. A importante presenza española no Consorcio Europeo ERIC EU- OPENSCREEN supuxo un salto cualitativo nas capacidades españolas e nas súas posibilidades de colaboración internacional, subliña Mabel Loza. Con todo, os orzamentos para redes nestes anos foron limitados, o que condiciona o avance da ciencia disruptiva cara á súa aplicación, engade. A reunión conta tamén co apoio institucional da Xunta de Galicia no marco da Estratexia de Impulso á Biotecnoloxía de Galicia e a Estratexia de Especialización Intelixente de Galicia (RIS3).
O presidente da Xunta, Alfonso Rueda, anunciou hoxe que a Xunta destinará un total de 270 millóns de euros a paliar os efectos do conflito en Oriente Medio na nosa comunidade. Durante a sesión de control no Pleno do Parlamento de Galicia en resposta ás preguntas dos grupos parlamentarios, o titular do Goberno galego lembrou, ao respecto da situación en Oriente Medio, que o Consello da Xunta xa analizou hai dúas semanas 'os primeiros impactos' e que Galicia foi 'a primeira comunidade autónoma en falar cos clústeres'. Nesta liña, o presidente anunciou que o vindeiro Consello autorizará 'un plan de máis de 150 millóns' para atender aos sectores afectados, que se sumará aos máis de 120 millóns que suporá para Galicia financiar as iniciativas do Goberno central a este respecto.
Para a edición de 2026, chegan desde o outro lado do Atlántico La Cura e El Vacío (ambas estreas en España), nas que o coreógrafo cubano Julio César Iglesias dirixe á prestixiosa Compañía Colombiana de Danza Contemporánea. Tamén a conferencia escénica Arder Épica (Cap. 1) na que o artista brasileiro Reinaldo Ribeiro constrúe unha nova memoria colectiva a partir das cinzas que deixou o incendio do Museo Nacional do Brasil en 2018. Forma parte tamén da programación a instalación inmersiva Hecatombe II: Movementos e rituais para a renovación do mundo, da colombiana de orixe indíxena Martha Hincapié Charry, que rescata saberes ancestrais de líderes nativos das primeiras nacións americanas.
