sábado, 13 de diciembre de 2025
Deste xeito, superouse a cifra de 540.000 visitantes debido, en boa parte, ao forte impulso do turismo internacional, que rexistrou un alza do 12,2%, mentres que o nacional creceu un 7,5%. Así pois, a chegada de visitantes nacionais e internacionais acada neste 2019 a segunda cifra máis elevada da serie histórica no mes de xullo grazas, en boa medida, á aposta da Xunta de promocionar o destino Galicia fóra das nosas fronteiras, en feiras nacionais e internacionais.
Con todo, os hoteis galegos non só recibiron un maior número de visitantes en xullo, senón que estes realizaron un maior número de noites. A demanda hoteleira experimentou un crecemento do 6,7% fronte o 1,1% do resto do Estado, e superou os 1,2 millóns de pernoitas, acadando a segunda cifra máis elevada da serie histórica. Así mesmo, a ocupación experimentou un alza de preto do 3% fronte o 0,13% a nivel estatal.
Oferta consolidada e de calidade
Malia a inestabilidade meteorolóxica rexistrada ao longo do mes e xullo, os datos do INE confirman que Galicia é un destino cunha oferta consolidada á marxe da meteoroloxía ao situarse como a segunda Comunidade que rexistrou un maior incremento tanto no número de viaxeiros como no referente á demanda hoteleira. Trátase dunhas cifras que confirman o impulso do Goberno galego a un turismo de calidade e vencellado ás particularidades de cada territorio, capaz de atraer viaxeiros durante todo o ano e a todos os puntos da xeografía galega.
A aposta pola profesionalización e a mellora da competitividade dos establecementos hoteleiros galegos reflíctese na mellora tanto da rendibilidade como das tarifas. En concreto, a rendibilidade mellorou un 7,3% acadando a cifra máis elevada da década mentres que as tarifas experimentaron unha suba do 2,4%.
Lugo lidera o crecemento
No que respecta aos datos por provincias, todas rexistran un comportamento positivo e homoxéneo da demanda hoteleira. En canto ao volume de noites, Lugo é a provincia que rexistrou un maior crecemento, un 14,2%; seguida de Pontevedra, cun 6,5%; Ourense, cun 5,7%, e A Coruña, cun 5,1%, uns incrementos parellos á cifra de viaxeiros aloxados. As cifras amosan a aposta pola descentralización do turismo que vén realizando a Xunta de Galicia, favorecendo a chegada de turistas ás catro provincias durante os doce meses do ano.
En termos absolutos, Pontevedra é a provincia que absorbe o maior volume de demanda no conxunto da Comunidade grazas aos bos datos rexistrados nos destinos do litoral. Séguena A Coruña, Lugo e Ourense.
Os Concertos do Xacobeo da Xunta de Galicia achegarán a mellor música internacional do momento a Santiago de Compostela cunha nova edición de O Gozo Festival. Maroon 5, Martin Garrix, Danny Ocean, Rita Ora e Miriam Rodríguez son as primeiras confirmacións do festival, que presentarán os seus directos no Monte do Gozo compostelán o sábado 11 de xullo de 2026. O Gozo Fest conta co apoio da Xunta de Galicia a través da Axencia Turismo de Galicia, no marco dos Concertos do Xacobeo. En 2026, O Gozo Festival celebrará a súa cuarta edición cun line-up de luxo. O proxecto O Gozo Festival, que naceu en 2023 co apoio da Xunta de Galicia a través da Axencia Turismo de Galicia, no marco de Concertos do Xacobeo, consolidouse na súa terceira edición, celebrada en 2025, cun éxito rotundo de crítica e público.
O presidente da Xunta, Alfonso Rueda, defendeu esta mañá, na súa condición de presidente da delegación española do Comité Europeo das Rexións (CdR), unha maior cogobernanza das rexións na planificación e xestión dos fondos europeos e máis recursos para o sector primario. Así o destacou logo dunha reunión organizada polo Executivo galego entre os representantes españois tanto das comunidades autónomas como das entidades locais do CdR con eurodeputados españois e o embaixador representante permanente de España ante a Unión Europea, Marcos Alonso, 'para poñer en común as intencións e o noso plantexamento' de cara á negociación do novo Marco Financieiro Plurianual 2028-2034.
