domingo, 26 de octubre de 2025
Na reunión tamén participaron o tenente coronel da Garda Civil, José Manuel Vázquez; o xefe superior de Policía Nacional de Galicia, Manuel Vázquez; o comandante do V batallón da UME, Alfonso Gómez; o director xeral de Protección Civil e Emerxencias, Alberto Herrera; o director xeral de Defensa do Monte, Tomás Fernández-Couto; o subdirector xeral de Política Forestal, José Manuel Jacquotot; e o delegado de Defensa en Galicia, Antonio Bernal, entre outros.
O vicepresidente da Xunta, Alfonso Rueda, destacou a importancia da coordinación e da cooperación entre Administracións para conseguir facer fronte con maior eficacia aos incendios forestais. Polo que reiterou a implicación e o traballo conxunto de todas as Administracións na prevención e na loita contra os incendios forestais, como Administración central, Xunta, concellos, exército, policía, garda civil, policía autonómica, axentes forestais, e bombeiros forestais, entre outros.
De aí, subliñou que como cada ano, constitúese o CIPIG para estar preparados con antelación para facer fronte coa maior solvencia e a maior eficacia aos lumes forestais, especialmente agora que se achega o período de máximo risco.
Pola súa banda, o conselleiro do Medio Rural, José González, lembrou que a Xunta mobiliza na loita contra o lume un total de 7.000 efectivos en época de alto risco, entre os propios da Xunta e os do Estado, así como uns 30 medios aéreos e 360 motobombas, tal como se establece no Plan de Prevención e Defensa contra os Incendios Forestais de Galicia (Pladiga) para este ano 2019.
Así, José González destacou o reforzo de persoal levado a cabo no Servizo de Prevención e Defensa contra os incendios, creando 137 novas brigadas de reforzo que, no ano 2017 traballaban durante 3 meses e que este ano estarán operativas un total de 5 meses, ao igual que o resto do persoal laboral de campaña. Tamén subliñou a incorporación de medios técnicos de última xeración, tales como a incorporación de 30 novas cámaras para a vixilancia fixa, que se veñen a sumar ás 88 xa existentes e que en total permitirán visibilizar 1,8 millóns de hectáreas (case dous tercios da superficie da nosa comunidade).
Tamén salientou como novidade o uso de drons para accións de vixilancia, detección de actividade incendiaria, control de xestión da biomasa, investigación e extinción de incendios. Ademais, o conselleiro explicou que se levará a cabo un proxecto piloto de alertas temperás en puntos estratéxicos do territorio que recollan observacións meteorolóxicas fiables. Tamén lembrou que se colaborará cos concellos na prevención e defensa das aldeas, que permitirá levar a cabo actuacións de limpeza de biomasa en 700 núcleos de toda Galicia, é dicir, nunhas 4.500 hectáreas este ano.
Finalmente, o titular de Medio Rural destacou a importancia que vai supor o novo número de teléfono anónimo de denuncia dos incendiarios, o 900 815 085, que permitirá fomentar a cooperación cidadá contra a actividade incendiaria, xa que os veciños poderán alertar sobre actividades sospeitosas subministrando calquera información que aporte valor nunha investigación policial presente e futura.
O Centro Dramático Galego colgará de novo o cartel de entradas esgotadas nas tres últimas funcións do seu espectáculo A serie clopen esta fin de semana no Salón Teatro de Santiago de Compostela, onde terá sido visto por arredor de 5500 persoas desde a súa estrea o pasado 11 de setembro. Tras os 33 pases ofrecidos na sede da compañía da Xunta, tamén completando as butacas dispoñibles en varias ocasións, o espectáculo iniciará a finais de mes unha xira que o levará a outros cinco escenarios de Galicia e Portugal. Así, a proposta dirixida por Pablo Reboleiro representarase o 30 de outubro no Teatro Académico de Gil Vicente de Coímbra como parte da programación da Mostra Galiza Coimbra 2025, organizada polos colectivos Cena Lusófona e A Escola da Noite e que conta co apoio económico da Consellería de Cultura, Lingua e Xuventude para ofrecer unha escolma de producións escénicas galegas, entre outras moitas actividades artísticas e formativas.
As empresas galegas que empregan Intelixencia artificial son xa o 15,7%, tras experimentar un crecemento do 51,1% no último ano. Crece tamén o uso do Cloud Computing, que pasou do 31,5% ao 38,2% no mesmo período de tempo. Son datos da enquisa sobre o uso das TIC e do comercio electrónico nas empresas 2024/2025, publicada hoxe polo Instituto Nacional de Estatística (INE) e que constatan o crecemento sostido das tecnoloxías innovadoras no tecido produtivo galego. Outro dos indicadores do grao de dixitalización das empresas galegas é a incorporación dos especialistas TIC. O 13,1% das empresas de máis de 10 empregados conta con este perfil profesional, un 4% máis no último ano, o que a converte a Galicia na novena Comunidade Autónoma con máis proporción de especialistas TIC no tecido empresarial.
