Noticias

O Gaiás promove a sensibilización social sobre a contaminación do mar polos plásticos cunha intervención artística de María Arceo, 'Plástico a Mareas'

As Torres Hejduk da Cidade da Cultura de Galicia acollen desde hoxe ata o 18 de agosto Plástico a mareas, unha instalación artística de María José Arceo para alertar da alta contaminación que producen estes refugallos na contorna natural. María José Arceo realizou a intervención a partir de refugallos deste material recollidos da costa galega e do río Sar en Compostela, a súa cidade natal, aínda que vive desde 1984 en Londres. Deste xeito, a artista desprazouse durante o mes de maio a Galicia para realizar limpezas en praias, de xeito individual ou con colectivos, como un de persoas con discapacidade intelectual que asistiron hoxe á inauguración.

Na inauguración desta tarde, que se fixo coincidir ex profeso coa celebración do Día Internacional do Medio Ambiente, o director xeral de Políticas Culturais, Anxo Lorenzo, enxalzou o papel da arte como “valiosa ferramenta” de sensibilización social ante problemas graves, como o exceso de lixo, sobre todo os residuos plásticos e a contaminación que estes provocan no medio ambiente. Neste senso, lembrou a conexión das Hejduk coa contorna, tanto porque foron ideadas como torres botánicas para o parque de Belvís, como por ter acollido intervencións artísticas vencelladas ao medio ambiente, como Betula Pendula de Martín Toimil, quen pendurou bidueiros (queimados e vivos) para sensibilizar sobre a lacra dos lumes nos montes galegos.

No caso de Plástico a mareas, María José Arceo realizou a intervención a partir de refugallos deste material recollidos da costa galega e do río Sar en Compostela, a súa cidade natal, aínda que vive desde 1984 en Londres. Deste xeito, a artista desprazouse durante o mes de maio a Galicia para realizar limpezas en praias, de xeito individual ou con colectivos, como un de persoas con discapacidade intelectual ¬–organizado a través de Aspamite de Teo– e que asistiron hoxe á inauguración. Con estas colaboracións, María José Arceo procurou unha implicación colectiva da sociedade co obxecto de apelar a súa corresponsabilidade altruísta na conservación e no respecto do medio.

Este colectivo colaborou nunha recollida de lixo na Illa de Arousa e tamén na elaboración de tres das sete restras de paus de tiburón das bateas, que se poden ver na torre opaca das Hejduk, na que se nos traslada a un fondo mariño. Neste senso recreativo, Plástico a mareas procura unha experiencia de percepción multisensorial, de carácter inmersivo, coa intención de provocar fisicamente os e as asistentes; transportalos ao mesmo fondo do océano e, desa maneira, proporcionarlles a oportunidade de visualizar e percibir –a través de cheiros, sons e luces– os problemas que a presenza de plásticos xera na auga e conseguir, á vez, estimular e espertar hábitos de consumo responsable.

Inauguración o Día Internacional do Medio Ambiente

Plástico a mareas fíxose coincidir ex profeso co Día Internacional do Medio Ambiente, xa que a artista compostelá María José Arceo centra o seu traballo en accións para espertar a conciencia medioambiental da sociedade. Así, tamén no río Támesis levou a cabo unha limpeza similar á realizada no Sar, na que transformou o lixo recollido nunha pegada xigante.

Precisamente, neste Día Internacional do Medio Ambiente a patrocinadora da intervención Plástico a mareas, a empresa Viaqua, realizou varias actividades vencelladas con esta celebración. Así, pola mañá, a Sala Eisenman acolleu unha entrega de premios literarios a escolares da ESO e Bacharelato do IES Antón Fraguas (Santiago de Compostela). As gañadoras foron tres rapazas que afondaron nas súas creacións sobre a importancia da auga como recurso escaso e imprescindible para vivir.

Pola tarde, organizouse unha cata de augas e un obradoiro. A esta acción convidouse a un colectivo de nais con contas influencers nas redes sociais, que tamén asistiron previamente á inauguración, xunto ao director de Viaqua, Julio Masid, quen amosou o compromiso da entidade con iniciativas que, desde o ámbito da cultura e da arte, incidan na sensibilización e corresponsabilidade de toda a sociedade na conservación e respecto ao medio ambiente.

R., 2019-06-06

Actualidad

Segundo o Instituto Nacional de Estadística, Galicia recibiu doutros países 12.884 habitantes máis dos que saíron, o que supón un incremento que case dobra (un 98,82% máis) a cifra de 2017, cando entraron en territorio galego 6.882 persoas máis das que saíron. Deles, 2.885 teñen nacionalidade española, o que se traduce nun aumento do 47% en relación aos 12 meses anteriores, cando o saldo positivo deixaba 1.954 españois novos en Galicia (unha vez restados os que saíron).
Foto de la tercera plana (ataardecer.jpg) Celbraranse os venres e sábados, desde o 4 de xullo ao 17 de agosto, ás 21,00 h., e o ciclo é o fiel escaparate das tendencias musicais actuais, podéndose escoitar hip-hop, trap, dance, electrónica, flamenco-pop ou cumbia, que tanto éxito están a ter entre a xente máis nova, aínda que non faltará o pop, o reggae, o indie ou o rock.

Notas

Do 3 ao 6 de xullo vaise celebrar en Viveiro o XIV Resurrection Fest, o festival de música metal e rock máis importante de España e un dos máis relevantes de Europa. Para esta celebración a Deputación de Lugo aporta 150.000, e calcúlase que o Resu é capaz de xerar un volume de negocio na provincia de Lugo de máis de 6,6 millóns de euros e de 8,5 en toda Galicia.
A Consellería de Medio Ambiente, Territorio e Vivenda vai participar neste futuro plan de acción para eliminar a planta invasora coñecida como "herba da pampa" (cortaderia selloana) dentro do proxecto comunitario LIFE Stop Cortaderia, que analizará e tratará a eliminación desta herba desde a Costa Oeste de Francia, o Arco Norte de España e Portugal.
PUBLICIDAD
Deputación de Ourense
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania