jueves, 30 de abril de 2026
O Consello da Xunta aprobou o decreto polo que se concede esta distinción a aqueles galegos e galegas cuxa obra, en calquera faceta da actividade humana, se considera merecedora do recoñecemento de toda Galicia. Estas distincións serán entregadas, como cada ano, o vindeiro 28 de xuño.
MARISA CRESPO
Nada no Concello ourensán de Cea en 1961. Estudou Medicina na Universidade de Santiago de Compostela e é especialista en Cardioloxía pola Clínica Puerta del Hierro de Madrid. Obtivo o doutorado pola Universidad Autónoma de Madrid. Desde 1993 traballa no Servizo de Cardioloxía do Complexo Hospitalario Universitario da Coruña, onde actualmente dirixe a Unidade de Insuficiencia Cardíaca e Transplante Cardíaco.
É profesora titular de Medicina na Universidade da Coruña. Ademais, coordina o Grupo de Investigación de Insuficiencia Cardíaca Avanzada e Transplante Cardíaco do Instituto de Investigación Biomédica da Coruña; é xefe de grupo no CHUAC do Centro de Investigación Biomédica en Red Cardiovascular; e é a coordinadora do Rexistro Español de Tumores post-transplante cardíaco. Tamén exerce responsabilidades en distintas sociedades científicas.
TERESA PORTELA
Nada no Concello de Cangas do Morrazo en 1982, é unha deportista que compite en piragüismo, concretamente na modalidade de augas tranquilas. Os valores do seu esforzo, a constancia e a superación foron claves na súa traxectoria.
No seu palmarés conta con 14 medallas no Campionato Mundial de Piragüismo entre o 2001 e o 2015. Tamén obtivo 17 medallas no Campionato Europeo de Piragüismo entre o 2001 e o 2013. Ademais, participou en 5 Xogos Olímpicos de verán entre os anos 2000 e 2016 nos que obtivo 5 diplomas.
REDEIRAS DE GALICIA
As redeiras de Galicia son profesionais que se dedican á confección, reparación e mantemento de artes e aparellos de pesca. Actualmente esta profesión, que desenvolven nun 84% mulleres, está envellecido por falta de remuda xeracional.
En Galicia existen 8 asociacións que agrupan a case 150 redeiras dos portos de Cariño, Cedeira, Corme, Malpica, Cambados, Portosín, Cangas e A Garda. A maioría agrúpanse na Federación Galega de Redeiras Artesás O Peirao, que ten entre os seus obxectivos o de visibilizar o traballo das redeiras, loitar contra a intrusión laboral ou garantir a remuda xeracional.
JEANNE PICARD
Nada en París en 1943, vive en España desde 1963. Fundou Stop Accidentes España despois de que no ano 2000 un dos seus tres fillos falecera aos 33 anos nun accidente de tráfico ao ser embestido o seu vehículo por outro coche.
Actualmente é a secretaria e delegada de Stop Accidentes en Galicia, que creou xunto con outras nais que se atopaban na súa mesma situación. Entre os obxectivos da entidade están: a prevención da violencia viaria en todas as súas formas para conformar un espazo de diálogo e debate coas institucións; prestar apoio e asesoramento ás vítimas e ás súas familias, optimizar as reivindicacións e crear iniciativas que impulsen a cultura da seguridade viaria.
BENEDICTA SÁNCHEZ
Naceu no Concello do Corgo, en Lugo, hai 83 anos. É unha das actrices da película O que arde, de Óliver Laxe, recentemente galardoada no Festival de Cannes. Ata a súa participación neste filme nunca antes actuara ante unha cámara nin fixera cine, aínda que sempre tivo interese pola cultura.
Foi boa estudante, aínda que tiña que compaxinar ese traballo co coidado das vacas e ovellas da casa, e encantáballe ler. Tras emigrar a Brasil, volveu a España coa súa filla, que foi quen a animou a presentarse ao cásting para a película. No Festival de Cannes posou ante os fotógrafos e bailou unha muiñeira amosando a nosa cultura nun dos festivais máis prestixiosos do mundo.
A edición 2026 artéllase arredor dun formato expandido, con varias datas e localizacións ao longo da provincia, convertendo cada encontro nunha peza dun ecosistema cultural máis amplo. O 6 de xuño, en Expourense será a cita inaugural co rock lendario de Loquillo, o magnetismo vintage de Kitty, Daisy & Lewis e o fenómeno galego do momento, The Rapants. O 31 de xullo, na Praza da Veracruz do Carballiño a banda Burning, ofrecerá un concerto gratuíto; e o 4 de outubro, no Pazo de Deportes Paco Paz, o festival culminará o regreso de Luz Casal a Ourense. Loquillo, icona indiscutible do rock estatal con case cinco décadas de traxectoria, chega en plena xira do seu último traballo Corazones Legendarios, cun directo que revisita os grandes éxitos dunha carreira tan influente como extensa.
Galicia pechou o primeiro trimestre deste ano con máis poboación empregada que hai un ano. Neste sentido, os datos da Enquisa de Poboación Activa (EPA) publicados hoxe e relativos ao primeiro trimestre deste ano reflicten unha suba de 28.000 persoas ocupadas en relación ao ano pasado, lixeiramente superior á do conxunto do Estado e acadando, con 1.178.100, a cifra máis alta nun primeiro trimestre desde 2008. Ademais, a comunidade rexistra a maior taxa de emprego (49,30) nun primeiro trimestre en 18 anos e unha taxa de paro menor (8,96) que no conxunto de España (10,83). Ademais, as taxas galegas de paro feminino (9,51) e xuvenil (24,30) tamén son máis baixas que no conxunto do Estado.
