lunes, 22 de diciembre de 2025
A Xunta habilitará salas de agarda para vítimas de violencia de xénero en 36 xulgados galegos no prazo de 3 anos. Así o avanzou hoxe en resposta a unha pregunta parlamentaria o vicepresidente da Xunta, Alfonso Rueda, quen precisou que este mesmo ano xa se prevé a actuación en 12 sedes xudiciais; ás que se sumarán outras 12 o próximo ano e 12 máis en 2021.
A Xunta, en colaboración coas Unidades de Vixilancia de Sedes Xudiciais (UVEX), está actualmente identificando as necesidades para estender a adecuación de espazos ao maior número de xulgados posible.
En calquera caso, cómpre recordar que aquelas sedes que non teñen espazo diferenciado contan con outro tipo de recursos para protexer a vítima e evitar a súa confrontación visual co agresor. Entre outras, destacan as de carácter organizativo que adoptan as autoridades xudiciais (como a citación a horas distintas), ou os protocolos e usos das Forzas e Corpos de Seguridade e dos propios funcionarios xudiciais para preservar a intimidade das vítimas.
Ademais, a Xunta tamén está habilitando outras medidas e, no marco do Plan Senda 2020, prevé incrementar o número de salas de vistas con videoconferencia para que este sistema sexa un servizo básico para as declaracións das vítimas.
Xulgado de Viveiro
En canto ao xulgado de Viveiro, adiantou que nos próximos meses estará acondicionada unha sala de agarda para as vítimas. Actualmente, estase en trámites co concello para a cesión administrativa do espazo que permitirá ampliar as dependencias xudiciais. En calquera caso, mentres non estea habilitada esta nova dependencia, continuaranse aplicando as medidas organizativas necesarias que garantan a intimidade e protección das vítimas.
O programa Radio na Biblio, que vai polo noveno ano en funcionamento, chega este curso a 245 centros de ensino que contan cun laboratorio de radio no que traballan as competencias vencelladas á alfabetización mediática, lingüísticas ou de expresión escrita e oral, entre outros. Con nove cursos en marcha, trátase dun programa consolidado que aproveita a posta en marcha dunha emisora de radio na biblioteca para traballar habilidades e destrezas e que permite o tratamento de contidos curriculares mediante metodoloxías activas e innovadoras que facilitan a aprendizaxe. Ademais, as actuais tecnoloxías da información e da comunicación facilitan o uso da radio como ferramenta pedagóxica de gran alcance para a difusión dos proxectos e iniciativas do centro educativo.
Tivo lugar a na cerimonia de entrega dos XVIII Premios Nacionais de Artesanía 2025, na que resultaron premiadas dúas candidaturas galegas. O artesán Aitor Martínez López de Arbina (Tomiño), especializado en tornería de madeira, resultou gañador na categoría Produto e a Fundación Artesanía de Galicia obtivo o recoñecemento na categoría Promociona para Entidades Públicas polo seu proxecto 'Artesanía no Prato'.
