sábado, 12 de septiembre de 2026
"A provincia de Ourense situarase á cabeza da innovación en "turismo intelixente" con servizos personalizados e experiencias inmersivas para o visitante que ofrecerán unha nova forma de facer e sentir o turismo". Así o definiu hoxe o presidente da Deputación de Ourense, Manuel Baltar, quen presidiu a primeira reunión da comisión de seguimento do convenio de "Territorios intelixentes", celebrada no Pazo Provincial entre representantes da Deputación e da entidade Red.es.
A iniciativa, para a que se destinan preto de 3 millóns de euros (2.989.022 ), desenvolverase entre a Deputación de Ourense e Red.es, e abrangue baixo o lema: "Hay un Ourense para ti. Descúbrelo", unha plataforma smart, aplicacións para móbiles, unha guía con contidos interactivos, cámaras para monitorización de rutas e seguimento dos lugares máis visitados.
"Hoxe iniciamos unha andaina que suporá un novidoso sistema para as experiencias turísticas, e Ourense lidera esta innovación coa plataforma de "turismo intelixente" que en opinión de Manuel Baltar- permitirá aos visitantes acceder aos recursos turísticos da provincia coa tecnoloxía máis vangardista aplicada ao ocio, cultura, termalismo, natureza e gastronomía". A plataforma ofrecerá, ademais, un portal web de información turística; un planificador de rutas baseadas nos gustos dos usuarios; sistemas de Realidade Virtual e de Realidade Aumentada, e experiencias inmersivas 360º con fotografías e vídeo.
Na reunión de hoxe participaron, ademais de Manuel Baltar, o director da Área de Transparencia da Deputación de Ourense, Fernando Suárez, e os directivos de Red.es Arturo Rodríguez e David Crespo. Nela analizouse o cronograma de actuacións e o traballo de licitación do proxecto co-financiado ao 60 % polo Estado e que se enmarca na convocatoria de axudas de Destinos Turísticos Intelixentes de Red.es, na que se seleccionaron 24 iniciativas de 9 comunidades autónomas, cun montante económico total de 68,3 millóns de euros.
A iniciativa que, no marco deste proxecto, porá en marcha a Deputación de Ourense, permitirá aos turistas que se acheguen á provincia dispoñer dun acceso rápido, sinxelo e intuitivo de toda a información de interese dos principais recursos turísticos da provincia (liña "Ourense ao teu alcance"); de servizos personalizados "baixo demanda" (liña "Sinte Ourense"), e terán acceso a experiencias inmersivas (liña "Ourense guíate").
Os aspectos clave do proxecto son a integración nun único punto de toda a información turística da provincia de Ourense por medio do uso dun modelo tecnolóxico aberto (esquema Open Data) sobre a que se fomente a participación, o diálogo e a colaboración entre os turistas a través das novas tecnoloxías e as canles dixitais.
Tamén, entre as innovacións do proxecto analizadas hoxe destaca a interoperabilidade, xa que a plataforma será capaz de obter información de diferentes fontes de datos; e a potenciación dos turismos accesible, activo, termal e cultural, ademais de fomentar o carácter innovador do sector turístico da provincia a través de solucións TIC punteiras como son: Big Data, Realidade Aumentada, Realidade Virtual, portais web de potenciación e Marketing Dixital.
A reposición dálle continuidade á aposta do Centro Dramático Galego por recuperar títulos do seu repertorio que manteñen a demanda do público máis alá da súa primeira exhibición. No caso de 'A serie clopen', as 33 funcións ofrecidas no Salón Teatro durante a súa estrea en 2025 reuniron arredor de 5.500 espectadores, antes de iniciar unha serie de representacións por outros espazos de Galicia e de Portugal. O regreso aos escenarios prodúcese despois do recoñecemento acadado pola produción nos Premios de Teatro María Casares, pois obtivo dous galardóns: Natalia Pajarito, como mellor actriz protagonista, e Marta Alonso Tejada, pola dirección de movemento.
O sábado 12 de setembro chegará un dos pratos fortes do ciclo: A Movida Viguesa e a Homenaxe a Golpes Bajos. Esta histórica xornada supón o regreso aos escenarios de artistas fundamentais para comprender a historia musical de Vigo e de Galicia. Bandas e músicos que naceron na cidade e que, desde aquí, conquistaron o panorama nacional e mesmo internacional. Reunir nun mesmo escenario a Golpes Bajos, Semen Up, Miguel Costas de Siniestro Total, Killer Barbies e Stoned at Pompei é moito máis que un concerto: é unha homenaxe a unha xeración irrepetible e a unha cidade que marcou unha época dentro da música española.
