A demanda turística en Galicia durante o mes de febreiro sitúase no nivel máis alto dos últimos nove anos
O Instituto Nacional de Estatística fixo públicos os datos turísticos relativos ao mes de febreiro que revelan que o aloxamento regrado da Comunidade galega rexistrou a demanda máis alta dos últimos nove anos. Con máis de 352.000 pernoitas acadáronse valores moi similares aos do Ano Santo 2010. Este é o segundo ano consecutivo no que se rexistra un crecemento da demanda turística en febreiro, contabilizándose en total preto de 3.600 noites máis que no mesmo mes de 2018. As estatísticas indican que estes datos son froito do bo comportamento nos establecementos hoteleiros, que foron os preferidos polos viaxeiros no mes de febreiro.
O Instituto Nacional de Estatística (INE) fixo hoxe públicos os datos turísticos relativos ao mes de febreiro que revelan que o aloxamento regrado da Comunidade galega -que engloba aos hoteis, pensións, apartamentos turísticos, cámpings e turismo rural- rexistrou a demanda máis alta dos últimos nove anos. Con máis de 352.000 pernoitas acadáronse, ademais, valores moi similares aos do Ano Santo 2010.
O INE amosa que, cun crecemento do 1%, Galicia superou a media española, onde as pernoitas baixaron case un punto. Este é o segundo ano consecutivo no que se rexistra un crecemento da demanda turística en febreiro, contabilizándose en total preto de 3.600 noites máis que no mesmo mes de 2018. As estatísticas indican que estes datos son froito do bo comportamento nos establecementos hoteleiros, que foron os preferidos polos viaxeiros no mes de febreiro: os hoteis e pensións supuxeron o 94,5% da demanda turística, o 5,5% restante de viaxeiros escolleron tipoloxías de aloxamento extrahoteleiro (apartamentos turísticos, campings e establecementos de turismo rural).
Crecemento da estadía media
En febreiro viaxaron a Galicia máis turistas nacionais do que o fixeran un ano antes. En concreto a demanda deste mercado superou as 293.000 noites, a cifra máis elevada dos últimos tres anos. Segundo as cifras aportadas polo INE, os viaxeiros que escollen a Comunidade como destino optan por pasar cada vez máis días en Galicia. A estadía media creceu en febreiro case un 2%, mentres que no resto do Estado baixou máis dun 3%.
No que se refire ao primeiro bimestre do ano, o comportamento é moi similar. As pernoitas tamén medran en Galicia por riba da media española. A cifra de noites rexistradas en xaneiro e febreiro supera as 670.000, un 1,3% máis que o ano anterior. Mentres, no resto do Estado as pernoitas baixaron neste período case un punto. En total, nos dous meses analizados polo INE, Galicia recibiu máis de 363.000 viaxeiros.
R., 2019-04-01
Actualidad
O equipo, eminentemente galego e cunha moi alta porcentaxe feminina, está a filmar en distintas localizacións das provincias da Coruña e Lugo, a través das que se reconstrúe o nacemento e a evolución da mítica fábrica de cerámica, que se deu en chamar a Bauhaus galega polas cores, formas e deseños vangardistas das súas creacións. Ao tempo, contarase tamén a historia de Galicia a través do seu deseño, cos seus elementos diferenciais e de calidade no centro do discurso. Outros dos escenarios polos que discorrerá Hoxe e o resto do mundo son Cervo (Lugo), onde comeza esta historia a primeiros do século XIX, Sada (A Coruña) e Santiago de Compostela, ademais doutros espazos da cidade herculina.
O CDG celebra os 40 anos da súa fundación desenvolvendo unha intensa programación que estende a súa actividade á produción e participación en 15 espectáculos e proxectos escénicos, a máis de 100 concellos de toda a Comunidade e á colaboración con entidades dunha decena de países en Europa e América. En palabras de Román Rodríguez, conselleiro de Cultura, a unidade teatral continuará avanzando nunhas liñas mestras que, desde o respecto ao pasado, poñen o foco en novas vías de encontro coa cidadanía, na accesibilidade, na proxección exterior ou na creación galega.
Notas
A Facultade de Química será entre os días 3 e 6 de setembro a sede do XI Congreso Internacional de Nanociencia e Nanotecnoloxía Analítica (XI NyNA 2024). O encontro está organizado polo grupo de investigación de Elementos Traza, Espectroscopía e Especiación (GETEE) e o Instituto de Materiais (iMATUS) da USC coa colaboración do Grupo Especializado en Ciencia e Tecnoloxías (Bio) Analíticas da Real Sociedade Española de Química (RSEQ).
Os vindeiros 9, 10 e 11 de abril celébrase na Universidade da Coruña o primeiro congreso IA & Hospitality, un espazo onde se analizará a relación presente e futura entre a Intelixencia Artificial e o turismo, un dos principais motores económicos do noso país. O programa do congreso, que terá lugar no Paraninfo da UDC, inclúe oito mesas de debate nas que se tratará dende a experiencia do cliente ata a ciberseguridade e os destinos e a IA.