sábado, 28 de marzo de 2026
A conselleira de Política Social, Fabiola García, anunciou esta mañá, nunha entrevista no programa Bos días da Televisión de Galicia, que nas vindeiras semanas a Xunta comezará a tramitación da Lei de impulso demográfico, polo que seremos a primeira Comunidade Autónoma que elevará a rango de lei as súas políticas neste ámbito, apuntou.
Fabiola García indicou que a demografía é un dos principais retos que ten por diante o Executivo autonómico e que para afrontalo cómpre a implicación do conxunto da sociedade. Explicou que esta lei pioneira dará continuidade ao traballo do Observatorio Galego de Dinamización Demográfica, foro de participación no que están representados grupos políticos, organizacións sindicais e empresariais, universidades, administracións local e central, entidades sociais, así como profesionais e expertos nesta materia
Ademais, a conselleira explicou que a cuestión demográfica tamén está relacionada coa necesidade de que as familias teñan maiores facilidades para conciliar. Nesta liña, salientou o esforzo que está a realizar a Xunta, ao poñer a disposición das nais e pais máis de 24.000 prazas públicas en escolas infantís de 0 a 3 anos, o dobre que hai dez anos, ou coa creación dunha rede de conciliación no rural a través das Casas Niño que ao remate desta lexislatura estará formada por 76 recursos deste tipo.
Atención á dependencia
Tamén fixo fincapé na extensión dos servizos de atención á dependencia, dos que hoxe en día se benefician máis de 60.000 galegas e galegos, de tal xeito que na metade de tempo se ten cumprido o obxectivo inicialmente fixado para os catro anos de mandato.
Así mesmo, sinalou que a Xunta continuará a ampliar o sistema de dependencia coa posta en marcha nas vindeiras semanas das primeiras 30 Casas do Maior en 25 concellos rurais. A conselleira reiterou que se 2018 foi o do incremento do número de dependentes atendidos, este ano será o do aumento das contías das axudas que reciben estas persoas.
O presidente da Xunta, Alfonso Rueda, anunciou hoxe que a Xunta destinará un total de 270 millóns de euros a paliar os efectos do conflito en Oriente Medio na nosa comunidade. Durante a sesión de control no Pleno do Parlamento de Galicia en resposta ás preguntas dos grupos parlamentarios, o titular do Goberno galego lembrou, ao respecto da situación en Oriente Medio, que o Consello da Xunta xa analizou hai dúas semanas 'os primeiros impactos' e que Galicia foi 'a primeira comunidade autónoma en falar cos clústeres'. Nesta liña, o presidente anunciou que o vindeiro Consello autorizará 'un plan de máis de 150 millóns' para atender aos sectores afectados, que se sumará aos máis de 120 millóns que suporá para Galicia financiar as iniciativas do Goberno central a este respecto.
Para a edición de 2026, chegan desde o outro lado do Atlántico La Cura e El Vacío (ambas estreas en España), nas que o coreógrafo cubano Julio César Iglesias dirixe á prestixiosa Compañía Colombiana de Danza Contemporánea. Tamén a conferencia escénica Arder Épica (Cap. 1) na que o artista brasileiro Reinaldo Ribeiro constrúe unha nova memoria colectiva a partir das cinzas que deixou o incendio do Museo Nacional do Brasil en 2018. Forma parte tamén da programación a instalación inmersiva Hecatombe II: Movementos e rituais para a renovación do mundo, da colombiana de orixe indíxena Martha Hincapié Charry, que rescata saberes ancestrais de líderes nativos das primeiras nacións americanas.
