viernes, 31 de octubre de 2025
A Consellería de Cultura e Turismo expresa a súa satisfacción logo de que o Entroido de Xinzo de Limia veña de ser declarado de Interese Turístico Internacional. Convértese así no primeiro entroido galego en acadar esta distinción e na primeira festividade da provincia de Ourense en obtela. Coa súa incorporación, conséguese tamén que as catro provincias galegas conten xa con algunha celebración coa máxima distinción que se pode acadar no eido turístico.
O Ministerio de Industria, Comercio e Turismo acaba de outorgar esta declaración, culminando así un proceso que a Xunta de Galicia vén apoiando nos últimos anos. O Entroido de Xinzo de Limia únese así á Festa do Albariño de Cambados recoñecida o ano pasado con esta distinción- a festividade do Apóstolo Santiago, a Romaría Vikinga de Catoira, o Festival Internacional do Mundo Celta de Ortigueira, a Rapa das Bestas de Sabucedo (A Estrada), o Corpus Christi de Ponteareas, a Semana Santa de Viveiro, a Semana Santa de Ferrol, as Fogueiras do San Xoán da Coruña e a Festa da Arribada de Baiona.
No modelo turístico galego, estas celebracións ocupan un lugar destacado. Por iso a Xunta mantén unha colaboración estable, dedicando tamén ao completo unha das 11 liñas da Estratexia do Turismo de Galicia 2020 a potenciar os valores que fan diferente o destino galego, onde se inclúe o coidado do enfoque turístico das celebracións festivas galegas.
Once festividades
Os entroidos son unha das maiores riquezas do patrimonio cultural de Galicia e unha das manifestacións populares máis importantes do ano que contribúen a acrecentar o atractivo turístico da Comunidade tamén durante o inverno. Xunto a Xinzo de Limia, tamén ten recoñecemento de interese turístico neste caso nacional o entroido de Verín. Sete máis son de interese turístico de Galicia: Viana do Bolo, Cobres, Laza, Manzaneda, Xenerais da Ulla que comprende ata nove concellos, Maceda e Vilariño de Conso.
Todas estas festividades son un dos máis importantes recursos turísticos cos que conta Galicia, que suma 141 distincións entre as de Interese Turístico Internacional (11), as de Interese Turístico Nacional (dez) e as de Interese Turístico de Galicia (120).
Destaca na programación o protagonismo que terá a música cos concertos de Uxía e de Óscar Ibáñez na apertura e peche da feira, ou o regreso de Magín Blanco á música para público adulto, que celebrará cunha actuación en directo e a presentación do libro Percorrido. Outro dos pratos fortes no Pazo da Cultura será o espectáculo que Xosé Antonio Touriñán creou en exclusiva para Culturgal, e un novo ciclo de narrativa oral, no que profesionais da dirección, da realización e guionistas explicarán os seus próximos proxectos.
A campaña de vacinación fronte á gripe acada xa as 243.320 persoas inmunizadas. A campaña de vacinación está activa desde o 29 de setembro e ata o 31 de decembro, tendo como poboación diana as persoas maiores, os menores de 11 anos e os profesionais da sanidade. Unha das novidades desta campaña é que todas as persoas chamadas a vacinarse poden facelo no seu propio centro de saúde ou consultorio. A Consellería enviou xa sms de citación a máis do 60 % dos maiores de 70 anos e a máis do 50 % das familias de nenas e nenos de 6 meses a 11 anos.
