sábado, 19 de julio de 2025
En total, o número de noites de hotel en Galicia rozou en novembro as 500.000, realizadas por 235.000 viaxeiros, o que representa a segunda cifra máis elevada desta década.
Récord internacional
Por segmentos foi especialmente destacada a progresión do turismo internacional, cun 26% máis de demanda estranxeira nos establecementos hoteleiros. Tamén amosa un maior dinamismo o turismo interno, é dicir, o interese dos propios galegos por achegarse a coñecer o patrimonio e os recursos da Comunidade e gozar das experiencias turísticas en marcha. En concreto, esta tipoloxía avanzou un 9% no décimo primeiro mes do ano.
Neste tempo, a Xunta de Galicia, en colaboración con outras administracións e co sector, vén desenvolvendo iniciativas como Outono Gastronómico no Turismo Rural ou De tapas por Galicia, ademais do Catálogo de Produtos de Turismo Rural de Galicia Outono 2018.
Crecemento do interior
A nivel territorial, deuse un comportamento homoxéneo, con subidas en todas as provincias malia que de diversa intensidade. O incremento máis notable deuse novamente en Ourense, que marcou unha alza superior ao 10%, fortalecendo así tamén o turismo de interior.
Tamén a estadía media progresa a súa tendencia crecente, cun aumento do 8,6% ata a cifra máis elevada dos últimos sete anos, converxendo ademais coa media nacional, que cae un 2,4%. Neste contexto, os niveis de ocupación soben máis de 2 puntos e ata 3,6 no caso das fin de semana. Así, a rendibilidade do sector logra mellorar máis dun 9%, marcando tamén o valor máis elevado da década. De xeito paralelo, as tarifas hoteleiras avanzan un 3,2%, o que afonda no modelo de calidade que propón a Estratexia do Turismo 2020.
O 112 Galicia rexistra os seus picos de emerxencia durante as tardes e noites de verán. Os meses estivais traen consigo un cambio nos hábitos da poboación galega: días máis longos, noites máis activas e un aumento significativo das incidencias xestionadas polo 112. Segundo os datos, as franxas horarias con maior demanda son as 15:00 e as 20:00 horas, coincidindo cun estilo de vida máis intenso e prolongado durante o verán. En 2023, o servizo rexistrou medias de 1.300 intervencións entre as 15:00 e as 16:00 horas, e case 1.500 (1.484) entre as 19:00 e as 20:00 horas durante xuño, xullo e agosto. Aínda que en 2024 houbo un descenso global de incidencias (233.289 anuais), estas franxas mantiveron cifras elevadas: máis de 1.000 chamadas á tarde e 1.200 á noite no mesmo período.
O Goberno galego incrementará o orzamento destinado á formación do persoal dos servizos de prevención de incendios forestais ata os 1,8 millóns de euros no bienio 2025-2026, o que supón un 19% máis que no período anterior. Esta medida enmárcase no Plan de Prevención e Defensa contra os Incendios Forestais de Galicia (Pladiga), cuxo obxectivo é minimizar o impacto ecolóxico, económico e social dos lumes, optimizando os recursos dispoñibles. O compromiso formativo da Consellería do Medio Rural xa se reflectiu en 2024, cando se impartiron 473 cursos con 11.447 participantes e máis de 108.000 horas de adestramento.
