viernes, 3 de mayo de 2024
Nota de prensa del Gabinete de Comunicación del PSdeG:
O secretario xeral do PSdeG, Gonzalo Caballero, mantivo unha reunión de traballo co presidente de Estremadura e presidente do Consello de Política Federal do PSOE, Guillermo Fernández Vara, para abordar distintas cuestións de relevancia a nivel federal e para as dúas comunidades, así como para coñecer a súa experiencia de goberno polo miúdo.
Nun escenario no que se prevé unha reforma da Constitución e a aprobación dun novo modelo de financiamento autonómico, o líder dos socialistas galegos advertiu de que é fundamental que permita que tódolos cidadáns, con independencia de onde vivan, teñan os mesmos dereitos. Unha igualdade que, do mesmo xeito que Fernández Vara, reclamou non só entre as comunidades autónomas, senón tamén entre as cidades e os municipios máis pequenos.
É a posición totalmente compartida que manteñen os socialistas en toda España, a da loita pola igualdade e a solidaridade, e por favorecer aos sectores máis febles da poboación, como verbalizou Gonzalo Caballero, quen sinalou a importancia do financiamento autonómico para manter os servizos públicos.
Xogámonos as nosas posicións de futuro, explicou, partidario de marcar a axenda fronte aos gobernos conservadores para atender o coste dunha sanidade e unha educación públicas, gratuitas, universais e de calidade para todas as comunidades autónomas de España en termos de igualdade. Ao fío diso, recordou que prestar os servizos implica maior custe naquelas comunidades, como Galicia, máis envellecidas e cunha poboación máis dispersa.
Alén diso, Gonzalo Caballero indicou aos xornalistas que o seu encontro co tamén presidente do Consello de Política Federal do PSOE vai na liña de impulsar un partido máis forte e máis interconectado, de cara a abrir un novo ciclo político e cambiar o Goberno do Estado cando haxa eleccións.
Trátase, segundo as súas palabras, de favorecer o cambio de ciclo necesario tras anos de goberno de Mariano Rajoy, que se viu salpicado por diversos casos de corrupción e que non traballou por facer que a recuperación macro chegue ás familias. Correspóndenos convencer á cidadanía de que necesitamos un cambio en España liderado polo PSOE, proclamou.
Finalmente, ante o presidente dun goberno autonómico que considerou referente en políticas de progreso, o secretario xeral do PSdeG eloxiou o seu esforzo en materia de política social.
Fotografía: Gabinete de Comunicación del PSdeG
A Cidade da Cultura súmase en maio á celebración do Día das Letras Galegas, dedicado este ano á música, profesora e poeta Luísa Villalta, cunha variada programación divulgativa destinada a dar a coñecer a súa figura e a súa obra a toda a cidadanía. Ao longo do mes das Letras, o Gaiás organiza propostas como unha lectura participativa de poemas, un encontro con rapazada de centros de ensino, unha exposición bibliográfica ou dúas propostas teatrais para público adulto e público familiar. A primeira destas actividades será o mércores 8 de maio, e consistirá nun encontro entre alumnado de dous dos institutos nos que Luísa Villalta se desempeñou como profesora e activista cultural.
De pais galegos, nace en Toledo, aos sete anos volve a Galicia e instálase coa familia en Ferrol. Na súa adolescencia séntese atraído pola pintura e recibe clases do pintor ferrolán Felipe Bello Piñeiro, cursa estudos de maxisterio e exerce como mestre nacional en varias escolas. Máis tarde, en 1947 trasládase a Madrid para estudar belas artes na Escola de San Fernando, e licénciase en 1951. É nesta época cando abandona a pintura realista e entra en contacto coa corrente expresionista europea coa que sente afinidade non só no aspecto formal senón tamén polos seus contidos sociais. É tamén a época en que empeza a escribir as súas primeiras novelas e a interesarse pola filosofía, o ensaio e a literatura.
