miércoles, 13 de mayo de 2026
Nota de prensa del Gabinete de Comunicación de En Marea:
A Xunta fai oídos xordos e segue adiante cun anteproxecto que demostrou un rexeitamento social evidente e multitudinario, de usuarios e profesionais da sanidade, denunciou Eva Solla que tamén esixiu que se abra unha negociación na Mesa Sectorial para recuperar as retribucións e os dereitos conxelados para os profesionais do Servizo Galego de Saúde.
A parlamentaria de En Marea tamén argumentou que o anteproxecto de reforma fose presentado sen consenso por parte da comunidade sanitaria. Non foi negociada coas centrais sindicais ás que a Xunta non lles consultou absolutamente nada, todo o contario, avisou ás organizacións o mesmo día que introduciá por rexistro o anteproxecto, como mostra da súa actitude caracterizada pola falta de diálogo.
O rexeitamento de En Marea tamén pivota na supresión das Áreas Sanitarias, que Solla cualificou como a decisión máis grave da nova norma. Ademais, fixo referencia na súa intervención ao relatorio de supostos novos servizos que a Xunta contabiliza nos hospitais comarcais cando os que visitamos dende hai anos estes centros comprobamos que a falta de persoal é evidente, habilitando salas como hospitais de día sen ningún tipo de reforzo de profesionais.
Con respecto á Atención Primaria, a norma perpetúa as súas deficiencias, cando xa coa supresión das xerencias se viu mermada a súa capacidade resolutiva, circunstancia admitida polo propio xerente do SERGAS. A voceira de Sanidade de En Marea tamén se referiu á supresión das xerencias comarcais, que empeorou a coordinación e a administración de recursos nos hospitais comarcais, rexistrándose maiores deficiencias na atención, que depende cada día máis dos hospitais grandes.
O mesmo sucede coa participación, engadiu Eva Solla, que criticou con dureza que a nova Lei de Saúde exclúa as asociacións de veciños e veciñas do Consello Galego de Saúde, cando segundo a deputada deberían ser as máis implicadas. En Marea tamén cuestiona o carácter empresarial da investigación sanitaria en Galicia, denunciando que en moitos casos teñan que ser os propios profesionais os que se busquen a vida para avanzar na investigación médica na súa área.
Durante seis días do mes de setembro, a cidade de Vigo acollerá un ciclo de concertos único que reunirá diferentes xeracións, estilos musicais e públicos nunha contorna privilexiada: o peirao de transatlánticos do Porto de Vigo, un espazo aberto ao Atlántico e situado en pleno corazón da ría de Vigo. Son e Mar combina música, identidade cultural e experiencia colectiva nunha programación pensada para todos os públicos. Ao longo do ciclo, preto de 50 artistas pasarán polo escenario principal e espérase unha asistencia superior ás 35.000 persoas entre todos os eventos programados.
A programación de actividades comprende neste caso a Cidade da Cultura, o Centro Galego de Arte Contemporánea e o Museo das Peregrinacións e de Santiago, en Santiago de Compostela; o Museo de Belas Artes, na Coruña; a Fundación Pública Camilo José Cela, no concello coruñés de Padrón; o Museo do Mar de Galicia, en Vigo; o Museo Arqueolóxico Provincial de Ourense, na cidade das burgas; o Museo Etnolóxico e o Museo do Viño, no municipio ourensán de Ribadavia, e o Museo do Castro de Viladonga, na localidade lucense de Castro de Rei, que tamén xestiona o Conxunto Etnográfico das Pallozas do Cebreiro.
