martes, 21 de abril de 2026
Nota de prensa del Gabinete de Comunicación del BNG:
Tras a comparecencia da conselleira do Mar, Rosa Quintana, a deputada do BNG, Montse Prado criticou a xestión negativa para o sector desenvolvido durante dúas lexislaturas polo Partido popular. A parlamentaria tamén se referiu ao Brexit e as consecuencias sobre a flota pesqueira galega polo que pediu unha posición proactiva e non agardar a que outros movan ficha. O goberno galego, recalcou, debe reivindicar o papel e importancia do sector pesqueiro para o noso país e poñerse en disposición para negociar. No Gran Sol explicou, faenan 57 barcos con 800 tripulantes galegos que crean moitos postos de traballo indirectos en terra ademais dos 140 barcos de capital galego faenando con bandeiras inglesas, francesas e irlandesas e mentres sobras 14.000 toneladas de rape cada ano, os barcos de bandeira galega non teñen esa capacidade para pescar, de aí a necesidade de abandeirarse noutros países para alcanzar unha cota máis ampla. A parlamentaria demandou tamén unha solución para os mariñeiros que cotizan na Seguridade Social francesa.
Do Reino Unido, engadiu, tamén dependen os barcos das Malvinas que teñen a súa base en Marín ou Vigo con máis de 30.000 tripulantes, neste contexto preguntou que tipo de acordo negociará a Unión Europea co Reino Unido e como vai ser regulado o tráfico de persoas e mercadorías?. Plántese en Madrid e non consintan que se repita o que pasou coa pesca galega, non permitan que o Brexit volva a prexudicar a nosa flota e converta nun desastre maior o noso mar e ao noso sector, non permitan que Galiza volva a ser moeda de cambio para beneficiar outros estados europeos.
Na súa intervención, Prado lembrou que os mariñeiros do certo permaneceron acampados durante 100 días diante da consellería e reprochou a titular de Mar non ter dialogado co sector a pesar das reiteradas peticións realizadas pero si falou, dixo, con aqueles que concordan coas súas políticas, esa é a política do ordeno e mando.
A nacionalista preguntou á conselleira Quintana cal é situación real do sector porque despois de dúas lexislaturas o balance non corresponde ao optimismo mostrado na comparecencia, moitas persoas abandonaron o sector pesqueiro, non hai renovación xeracional nin rendas dignas para os traballadores e traballadoras do mar, a etiquetaxe non favorece os produtos pesqueiros galegos e Galiza perdeu peso en materia pesqueira.
Dende o BNG cualificamos de negativa a xestión da consellería dende o ano 2009, 30 barcos do Gran Sol despezados, 415 embarcación tamén despezadas, no cerco pasaron de 98 barcos a 43, e a renda das mariscadoras está por debaixo do salario mínimo interprofesional. Esta realidade non vai parella, dixo, co optimismo do seu discurso que ademais non vai acompañado nin sequera dos orzamentos.
En 2025, Lara Weed e Jamie M. Zeitzer, da Universidade de Stanford, publicaron un artigo no que se relacionaba a práctica do cambio estacional de hora con aspectos negativos para a saúse, tanto de sintomatoloxía aguda (infartos ou accidentes cerebrovasculares), como crónica (obesidade). Agora, os profesores José María Martín Olalla, da Universidade de Sevilla, e Jorge Mira Pérez, da Universidade de Santiago de Compostela, tras analizar a metodoloxía aplicada neste estudo, constataron que 'o que o mundo leu como unha evidencia científica contra o cambio de hora resultou ser unha ilusión matemática'.
Un total de 15.733 persoas concorrerán ás oposicións de Educación deste ano 2026 segundo a listaxe provisional de admitidos publicado no Portal Educativo. Cómpre lembrar que, froito do acordo entre a Consellería de Educación, Ciencia, Universidades e FP e os sindicatos CC.OO., ANPE, UGT-SP Ensino e CSIF, como novidade nesta ocasión os interinos non teñen a obriga de presentarse ao exame, co obxectivo de axilizar o proceso. Isto provoca un descenso de case o 23% nas probas respecto á convocatoria do ano pasado. En concreto, 4.689 aspirantes menos. A Xunta de Galicia convoca para este proceso un total de 1.601 prazas, o que supón esgotar o 120% da taxa de reposición marcado polo Estado.
