jueves, 13 de agosto de 2026
Nota de prensa del Gabinete de Comunicación de En Marea:
O viceportavoz de En Marea, Antón Sánchez, e o deputado Manuel Lago, presentaron en rolda de prensa a proposta de traballo do seu grupo na comisión de investigación das Caixas na esixirán por unha banda que se entregue a documentación negada na anterior lexislatura como foi a carta de encargo onde a Xunta definía a KPMG o que pedía para auditoría que supostamente avalaría a fusión das caixas e que desapareceu curiosamente do expediente entregado na comisión da anterior lexislatura. E por outra banda , os informes dos técnicos de Facenda aos que aludiu Marta Fernández Currás na súa resposta por escrito e que tampouco estaban na aportación aportada.
O viceportavoz parlamentario de En Marea, Antón Sánchez, lamentou que o Partido Popular continúe na súa teima de ocultar o acontecido coas caixas de aforros galegas acusándoos de querer controlar con man férrea tanto os tempos como a información o que da o tipo de concepción que ten o PP da democracia e do Parlamento.
O grupo parlamentario de En Marea solicitará así mesmo a información relativa ao proceso de privatizacións do desenvestimento acelerado o que se traduce por vender rápido que foi xustificado en base a un informe dunha auditora de McKinsey, ben coñecida por actuar a nivel mundial pola privatización e as portas xiratorias, informe que non se coñeceu nin houbo acceso no Parlamento. Por este motivo, En Marea solicita tamén a comparecencia do responsable desta auditoría e este informe así como o caderno de vendas, a comparecencia do presidente do FROB naquel momento, e a do propio Núñez Feijóo xa que é incomprensible que o 40 por cento do aforro galego fose vendido sen que a Xunta soubese o se quixo dicir nada ao respecto.
O deputado Manuel Lago pola súa banda aportou tres datos relevantes á hora de tratar o acontecido coas Caixas de aforro. O primeiro deles o feito de que a auditoría realizada tres meses despois da venda para coñecer o valor do banco, cifrouno en 2.587 millóns de euros, o que implica que tres meses despois da súa venda a Escotet por 1.000 millóns o seu valor calculábase en máis de 2.500 euros. Outro dos datos aportados foi a conta de resultados de Abanca que superou os 2.796 millóns de euros despois de desbotar activos como por exemplo a venda de R.
Por último, Manuel Lago referiuse ao feito de que na operación de venda o FROB asumiu o 85 por cento dos custes dunha serie de continxencias que se podan producir nos anos consecutivos, sendo a máis dolorosa a relativa a asumir as cláusulas chan a partir do 2008 o que implica que o FROB terá que pagar 220 millóns de euros para pagar as cláusulas chan. Non terá que pagar Abanca polas cláusulas chan senón que será á cidadanía quen se faga cargo destes pagos denunciou o deputado de En Marea.
Manuel Lago rematou a súa intervención afirmando que a liquidación precipitada dos aforros dos galegos e galegas foi unha decisión de oligopolio financeiro español e a complicidade do PSOE e PP de liquidar caixas de aforros. Non imos dicir que non houbo erros de xestión porque si os houbo e supuxeron perdas millonarias pero na comisión demostraremos que dos 10.000 millóns de euros cerca do 80 por cento non é da conta de resultados senón decisións do Banco de España ao servizo do oligopolio financeiro para acabar coas caixas de aforro concluíu Lago.
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
