domingo, 8 de junio de 2025
Nota de prensa del Gabinete de Comunicación del BNG:
A portavoz nacional, Ana Pontón, anunciou que o BNG vai iniciar contactos co grupo parlamentario do PSdeG de cara crear unha comisión de investigación sobre o accidente do Alvia, -tendo en conta que é posible se a solicitude se asina por tres grupos da Cámara-, despois do xiro xudicial que imputa ao ex xefe de seguridade de ADIF no sinistro de Angrois.
PP e PSOE deben pedir perdón ás vítimas e aos familiares polo sufrimento extra destes tres anos e deben levantar o veto á creación de comisións de investigación no Parlamento galego e no Congreso, salientou Pontón despois da Xunta de portavoces, tras explicar que o PP xa se apurou a vetar a solicitude de comparecencia do Goberno galego para analizar a seguridade no transporte ferroviario en Galiza.
A dirixente do Bloque considera que o xiro xudicial no caso Angrois confirma que houbo fallos na seguridade pola neglixencia de altos cargos de ADIF nomeados directamente polos sucesivos ministr@s de Fomento e, polo tanto, hai responsabilidades políticas.
Non se analizou o risco no tren que inaugurou José Blanco e Núñez Feijóo nun acto de autobombo no que escoitamos dicir que a inauguración do AVE era a guinda do pastel dunha realidade incontestábel, mentres que Ana Pastor, autorizou a desconexión do sistema de seguridade que tería evitado o accidente. Nin Blanco, nin Pastor, ni Feijóo realizaron nin mandaron analizar os riscos no Alvia, concluíu.
Pontón lembrou o traballo do BNG ao lado das vítimas sendo a única forza que pediu no Congreso a comparecencia do ex responsable de seguridade de ADIF, que o PP vetou a modo de muro de contención e evitar datos fidedignos sobre as condicións da chegada da alta velocidade a Galiza. E tamén o papel clave para acadar o contundente informe da UE denunciando a falta de independencia da investigación.
O BNG levará á sesión de control o espolio enerxético de Galiza nunha pregunta a Feijóo para que aclare se vai seguir do lado das eléctricas, que obteñen beneficios millonarios dun recurso natural mentres asistimos ao disparate de que Galiza é a terceira comunidade do Estado con máis pobreza enerxética, -650.000 familias-, nun país que exporta o 40% da electricidade que produce, explicou Pontón.
Precisamos un sistema eléctrico alternativo que, entre outras cuestións, inclúa unha tarifa eléctrica galega que permita a empresas e familias beneficiarse dos recursos enerxéticos do país, o noso petróleo, indicou a dirixente nacionalista.
No próximo pleno o Bloque tamén incluíu unha pregunta ao Goberno para que explique a súa posición ante as declaracións machistas do alcalde de Noia nun acto oficial do concello con motivo da celebración do 8M. Misoxinia disfrazada de humor, chistes noxentos que fomentan a desigualdade e son unha ofensa para todas as mulleres, criticou a portavoz parlamentaria.
Mentres, o feminista Feijóo leva unha semana de cinismo cómplice sen esixir a dimisión de quen quedou descualificado para estar ao fronte dunha institución, salientou Pontón, tras chamar a atención sobre a dobre vara de medir do PP, que pide dimisións en casos similares con cargos públicos doutras organizacións e mira para outro lado cando militan nas súas propias filas.
A Xunta de Galicia completou esta semana os trámites para a autorización dos nove proxectos de repotenciación voluntaria de parques eólicos recibidas entre finais de 2023 e comezos de 2024 e que permitirán suprimir 286 aeroxeradores do territorio galego así como, coa mesma potencia, incrementar un 35 % a produción de enerxía renovable. Trátase dun procedemento que destacou pola súa axilidade pois os prazos de autorización administrativa acurtáronse considerablemente, completándose en menos dun ano desde a recepción do proxecto definitivo e cumprindo así co mandato comunitario de axilizar as xestións e garantir que non se alongan máis de dous anos.
O director xeral de Relacións Exteriores e coa UE, Jesús Gamallo, participou na asemblea xeral Comisión do Arco Atlántico da Conferencia das Rexións Periféricas Marítimas en Sevilla, na que se fixo balance do último ano e se presentaron as previsións para 2026. O director xeral interveu na sesión Un novo marco financeiro plurianual da UE: que hai para o Atlántico, onde defendeu un futuro da política de cohesión descentralizado e o rexeitamento ao cambio de modelo cara un plan único por estado membro, postura baseada nas experiencias previas que mostran que os programas operativos rexionais son a fórmula máis eficiente para a xestión dos orzamentos destinados á cohesión.
