jueves, 25 de diciembre de 2025
Nota de prensa del Gabinete de Comunicación del BNG:
O BNG denunciou nun acto simbólico de protesta ante a sede de Fenosa en Santiago os abusos e a impunidade desta compañia na prestación do servizo durante o temporal, así como a complicidade da Xunta que permite a empresa incumprir a lei sen consecuencias. Ademais de expoñer as propostas para abaratar a factura da luz e poñerlle fin ao negocio das eléctricas.
Fenosa créese a raíña do mambo, vímolo estes día no que millón de galegos e galegas soportaron cortes de luz ata cinco días, e iso non é unha consecuencia do temporal senón do feito de que non cumpre a lei que obriga a ter as liñas en bo estado, denunciou a portavoz nacional, Ana Pontón e iso pese a cobrarnos dúas veces, unha a través dun imposto que vai na factura para o mantemento das infraestruturas e outra a través das subvencións que recibe das Administracións publicas. Estamos ante un abuso máis das eléctricas por unha lexislación que non protexe aos consumidores senón que está feita á medidas das empresas, que obteñen beneficios de escándalo, denunciou.
De xeito inmediato, o Bloque propón que se apliquen sancións exemplares a Fenosa pola súa neglixente xestión e, ademais, o Goberno debe velar porque cumpra a lei e non nos ofreza un servizo de terceira categoría. A dirixente nacionalista expresou que non nós chega con que Fenosa poña anuncios desculpándose, queremos que haxa sancións, que cumpran co este país e poñerlle fin aos privilexios das eléctricas e ao espolio dos nosos recursos naturais.
Pontón considera que a Xunta ten responsabilidades directas e non é suficiente con abrir expedientes, ten que sancionar e obrigar á empresa a pagar polo danos causados e habilitar compensacións polas perdas dos apagóns. Feijóo cando estaba na oposición reclamaba axudas e agora que está no Goberno deixa á xente tirada, lamentou.
Ademais das consecuencias puntuais derivadas da pésima xestión de Fenosa, o BNG pon encima da mesa un debate de fondo que é o prezo da luz nun país que é produtor a esgalla de enerxía eléctrica sen obter ningún beneficio nin para empresas, nin para familias.
Non nos vale que o ministro diga que temos que acostumarnos a pagar a luz máis cara, non nos vale que a a alternativa de Rajoy sexa enchufar a Fernández de Mesa en Rede Eléctrica usando as portas xiratorias e non nos vale que Feijóo sexa o principal tampón para que teñamos unha tarifa eléctrica galega que suporía un aforro extraordinario na factura eléctrica, indicou Pontón.
Por iso, o BNG propón unha tarifa eléctrica galega que teña en conta a condición de produtor de Galiza para ofrecer un prezo xusto e, a segunda proposta concreta para abaratar a luz é baixar o IVE do 21 ao 4%, posto que estamos a falar dun ben de primeira necesidade, alegou Pontón. Medidas ás que se suma a aposta polas enerxías renovables e o autocosumo que está sendo penalizados polo Goberno central. Hai que ir a un cambio de modelo enerxético, concluíu.
A conselleira do Medio Rural, acompañada polo director xeral da PAC e do Control da Cadea Alimentaria, Juan José Cerviño, presidiu este mediodía a constitución do Observatorio do sector lácteo de Galicia, órgano colexiado de seguimento, asesoramento, consulta e análise deste eido produtivo. Esta reunión ten lugar trala entrada en vigor do decreto que actualizou a regulación deste órgano e que, entre outros obxectivos, persegue facer un seguimento continuado do sector e mellorar o seu funcionamento. O Observatorio vén funcionando dende a súa creación no ano 2007
En concreto, o programa do Calendario do Libro e da Lectura inaugurará as súas 35 efemérides para o longo de todo o ano o 11 de xaneiro, co Día do usuario/a da Biblioteca e terá como unha das súas datas significativas desde mes, o Día da Ilustración, que se celebra o 30 e está dedicado ao humorista gráfico Siro López. Complétanse as datas significativas coa celebración, o 1 de abril, do Día das artes galegas, que se centra neste 2026 nun dos nosos fotógrafos máis vangardistas e internacionais, o ourensán José Suárez. En todo caso, este festexo estenderase todo o ano cunha ampla oferta de accións, do mesmo xeito que sucederá co Día das letras galegas (17 de maio) que nas bibliotecas xirará ao redor da escritora Begoña Caamaño.
