domingo, 29 de junio de 2025
Nota de la editorial Catro Ventos:
Trátase dun libro de fotografías en branco e negro que documenta a ruta que seguen os refuxiados para entrar en Europa. A visión de catro fotógrafos que seguen aos refuxiados a través dos diferentes puntos nos que se van atopando a medida que avanzan na súa loita de chegar a un lugar mellor.
Esta obra é un esforzo por amosar o día a día dos milleiros de refuxiados que desde 2014 tratan de fuxir de países en guerra e a dureza que supuña unha ruta agora frustrada pola virada de costas dos dirixentes europeos e marcada por un peche de fronteiras que é a vergoña do vello continente.
O libro preséntase o martes 3 de xaneiro s 20.00 h terá lugar no café UF de Vigo.
Galicia reforza por terceiro curso consecutivo o seu liderado na taxa de escolaridade de 0 a 3 anos e achégase ao 65 %, máis de 15 puntos por riba da media de España, segundo os últimos datos oficiais que vén de publicar hoxe o Ministerio de Educación, Formación Profesional e Deportes. Deste xeito, Galicia segue sendo a comunidade autónoma onde máis familias poden acudir a unha escola infantil totalmente gratuíta. As cifras oficiais revelan que Galicia rexistrou no curso 2024-2025 unha taxa do 64,3 % de escolarización, máis de catro puntos por riba do 60,6 % acadado no período anterior. Esta porcentaxe mantén á comunidade ao nivel dos países con maiores índices de benestar en Europa, como Suecia ou Dinamarca.
No marco do Plan de Actuacións da Xunta de Galicia fronte aos posibles efectos das altas temperaturas sobre a saúde, vénse de activar o nivel 1 de alerta a diversas áreas da comunidade autónoma por episodio de calor. Meteogalicia informa que a partir da xornada do venres 27, as altas presións volverán localizarse ao norte da península Ibérica, achegando unha masa de aire moi cálida de orixe norteafricana. Isto fará que as temperaturas experimenten significativos ascensos, tanto nos valores mínimos como nos máximos. Este ascenso de temperaturas comezará a notarse desde ese mesmo día, cando en moitos puntos de Galicia se superarán os 30ºC, e mesmo os 35ºC, en puntos do interior.
