jueves, 9 de abril de 2026
Nota de prensa del Gabinete de Comunicación del Concello de Vigo:
O rexedor trasladou a súa preocupación pola paralización da variante do AVE a Vigo por Cerdedo, proxecto "irrenunciable" para a cidade. Ante esta situación, Caballero contactará con axentes sociais e económicos para conseguir un pronunciamento unánime en defensa da conexión da cidade con Madrid a través da alta velocidade.
O alcalde de Vigo, Abel Caballero, anunciou que iniciará unha rolda de contactos con empresarios, sindicatos e entidades sociais para "facerlles coñecedores de que Vigo se queda de novo sen AVE", tras constatar a "total falta de interese" de levar adiante o proxecto do novo ministro de Fomento, Íñigo de la Serna. O rexedor amosou en rolda e prensa a súa "inmensa preocupación" e "alarma total" ao coñecer as declaracións do titular de Fomento ao respecto da conexión ferroviaria por alta velocidade entre Galicia e a Meseta. Caballero lembrou que a variante de Cerdedo leva "cinco anos coa tramitación paralizada e co informe de impacto ambiental sen concluír".
Caballero advertiu unha vez máis de que a alta velocidade ferroviaria é un proxecto "estratéxico e fundamental" para o desenvolvemento da cidade e polo tanto "irrenunciable". Ante esta situación, o rexedor trasladou a súa intención de que os contactos cos axentes sociais e económicos culminarán coa convocatoria do Consello Social da cidade na confianza de que se pronuncie de forma unánime esixindo ao Goberno de España que acelere a declaración de impacto ambiental da variante de Cerdedo e o proxecto de AVE directo entre Vigo, Ourense e Madrid.
O Carballo Interplay desenvolverá do 16 ao 19 de abril no Mercado de Carballo a súa 13ª edición cun programa de 32 actividades arredor da creación dixital contemporánea, das series en pequeno formato, a cultura de internet e a reflexión sobre os novos modos de comunicar na rede. O certame reforza especialmente este ano a presenza do galego como lingua de creación, conversa e pensamento no ecosistema dixital, cunha programación específica arredor dos contidos no noso idioma nas redes sociais, accións formativas para a mocidade, premios dirixidos a recoñecer o talento que crea na nosa lingua e novas oportunidades para a produción de proxectos audiovisuais nados no ámbito dixital.
A Cidade da Cultura celebrará o Día do Circo o vindeiro 19 de abril co espectáculo 'Sen patrón', da compañía galega Pistacatro, recoñecida co Premio Nacional 2025 desta disciplina artística. A proposta terá lugar no Xardín do Teatro, ás 17,00 horas, con entrada libre e de balde. Así, o Día do Circo convértese nun momento para celebrar tamén a chegada da primavera cunha proposta escénica aberta, festiva e accesible para todo tipo de públicos, que combina cabaré, números aéreos e malabares cunha dramaturxia que reivindica tanto técnicas circenses tradicionais como contemporáneas. Pistacatro é unha das compañías e produtoras de circo máis relevantes das artes vivas de Galicia, que traballa a prol da profesionalización do circo na Comunidade, impulsando as carreiras de artistas e traballadores do sector.
