viernes, 23 de octubre de 2026
Nota de prensa del Gabinete de Comunicación del Concello de Santiago de Compostela:
O concelleiro de Educación e Cidadanía, Manuel Dios, e o director de Cineuropa, José Luis Losa, presentaron un novo programa dentro do festival, que nace con vocación de permanencia aproveitando o trixésimo aniversario desta cita cinematográfica. "Cineuropa Infantil permitirá a alumnado dos colexios e institutos da cidade achegarse ao mundo audiovisual con outra mirada, para aprender os códigos da linguaxe específica do cinema", explicou o concelleiro Manuel Dios. Ademais, esta iniciativa quere contribuír a "unha mellor educación para a convivencia, dende a perspectiva de que o cinema é un extraordinario recurso educativo, particularmente en relación cos valores cívicos e democráticos contemplados na Declaración Universal dos Dereitos Humanos".
Esta iniciativa está dirixida a alumnos e alumnas de 5º ou 6º de Primaria, que se achegarán ao Teatro Principal o xoves 24 e o venres 25 de novembro para visionar a película de animación francesa titulada Ma vie de Courgette, subtitulada en español ou galego. A actividade non só consistirá no seu visionado, senón que o Departamento de Educación e Cidadanía adxuntou aos centros escolares unhas secuencias para traballar na aula tanto antes como despois de ver o filme.
Tal e como destacou o concelleiro de Educación, trátase dunha primeira edición desta iniciativa, de tal xeito que "no futuro serán máis as películas seleccionadas para distintas idades, de tal maneira que poderán achegarse alumnos e alumnas doutros niveis educativos".
Ma vie de Courgette
En palabras de José Luis Losa, Ma vie de Courgette é un achegamento a infancias malparadas as desfeitas emocionais dos seus protagonistas son dignas de El Caso para, a partir de aí, propulsar unha historia de reparacións afectivas, de empatía de grupo, de reconstrucións propulsadas pola mirada en tenra stop-motion de Courgette.
A película está centrada nun neno de 10 anos alcumado Courgette (cabaciña en galego), que é enviado a un orfanato trala morte da súa nai. A historia narra como superará as dificultades e se integrará neste novo ambiente cun pequeno grupo de nenos maltratados, como el, pola vida.
O filme, coproducido por Francia e Suíza, ten unha duración de 66 minutos e pertence á Sección Oficial do Festival. Ademais dos pases para o alumnado dos centros públicos de Compostela, haberá dous pases para público en xeral o sábado 26 e o domingo 27, ás 16:45 horas.
Ma vie de Courgette recibiu o Premio do Público no Festival de Annecy neste ano 2016.
A primeira etapa da xira de A Gaivota, ensaio aberto desenvolveuse do 12 ao 15 de outubro na sala Atahualpa do Teatro El Galpón de Montevideo, en coprodución con esta institución e no marco do Festival Internacional de Artes Escénicas de Uruguai, FIDAE. O programa comprendeu sete representacións nas que Déborah Vukuić compartiu escenario con Camila Durán e Claudia Trecu, que entraron no lugar das actrices galegas Uxía Suevos e Mercedes Castro. A magnífica resposta do público uruguaio contou cunha destacada presenza da comunidade galega, que converteu as funcións nun espazo de encontro arredor da lingua e da creación escénica de Galicia. Esta acollida precede a chegada á Arxentina, onde Déborah Vukuić compartirá escenario coas actrices locais Eugenia Alonso e Carmela Rivero.
Trátase dunha iniciativa que nace como evolución de Circo Presente Continuo e que se vai desenvolver por primeira vez fóra de Madrid. A Cidade da Cultura, o Teatro Principal e o Salón Teatro serán as súas sedes na capital galega, reunindo artistas, compañías, profesionais da programación, distribuidoras e institucións para compartir proxectos e favorecer novas oportunidades de colaboración e contratación. O programa inclúe oito espectáculos, seis mostras breves e catro traballos en proceso. Entre as propostas figuran Naufragio, de Labsurda; Serena, de Circ Bover; Matrimonio, de Kolektivo Konika; Siku, de Jessica Arpin; e Sen patrón, de Pistacatro, que ofreceu un adianto artístico durante a presentación.
