viernes, 23 de octubre de 2026
Nota de prensa del Gabinete de Comunicación de la Xunta de Galicia:
A Consellería de Cultura, Educación e Ordenación Universitaria celebra os 150 anos do nacemento de Valle-Inclán nunha última sesión de Nexos, o ciclo de cultura contemporánea da Cidade da Cultura, prevista para o 17 de decembro na Biblioteca e Arquivo de Galicia.
Este último Nexos do ano terá como convidada especial a Dianella Gambini, catedrática de Lingua Española e Traducción na Università per Stranieri de Perugia (Italia) e unha grande especialista na obra de Valle-Inclán. A través do seu relatorio, os espectadores farán unha viaxe pola obra do noso máis grande dramaturgo, un cronista da época que foi incorporando na súa obra os horrores do cambio de século e a miseria da vida cotiá, deformados pola lente do grotesto e a comedia negra.
Ao longo desta sesión percorrerase a súa traxectoria estética, da etapa modernista ao esperpento, transitando por algúns dos personaxes máis destacados da súa produción.
A sesión completarase coa actuación de Saúl Puga (contrabaixo) e Pablo Seoane (piano), que porán en escena Fake, unha composición orixinal de Pablo Seoane inspirada en La Lámpara Maravillosa, ensaio de Valle-Inclán de cuxa publicación se cumpren os 100 anos neste 2016.
Como en todos os Nexos, os máis pequenos rapaces de 5 a 12 anos- terán a súa particular sesión, na que se achegarán á figura de Valle-Inclán a través das súas obras, personaxes e vivencias. E como do que se trata é de ofrecer un aperitivo cultural os sábados pola mañá, servirase un petisco cortesía de Pan do Mar e un viño Martín Códax para despedir o ano e brindar polo Nexos do 2017.
Fotografía: Gabinete de Comunicación de la Xunta de Galicia
A primeira etapa da xira de A Gaivota, ensaio aberto desenvolveuse do 12 ao 15 de outubro na sala Atahualpa do Teatro El Galpón de Montevideo, en coprodución con esta institución e no marco do Festival Internacional de Artes Escénicas de Uruguai, FIDAE. O programa comprendeu sete representacións nas que Déborah Vukuić compartiu escenario con Camila Durán e Claudia Trecu, que entraron no lugar das actrices galegas Uxía Suevos e Mercedes Castro. A magnífica resposta do público uruguaio contou cunha destacada presenza da comunidade galega, que converteu as funcións nun espazo de encontro arredor da lingua e da creación escénica de Galicia. Esta acollida precede a chegada á Arxentina, onde Déborah Vukuić compartirá escenario coas actrices locais Eugenia Alonso e Carmela Rivero.
Trátase dunha iniciativa que nace como evolución de Circo Presente Continuo e que se vai desenvolver por primeira vez fóra de Madrid. A Cidade da Cultura, o Teatro Principal e o Salón Teatro serán as súas sedes na capital galega, reunindo artistas, compañías, profesionais da programación, distribuidoras e institucións para compartir proxectos e favorecer novas oportunidades de colaboración e contratación. O programa inclúe oito espectáculos, seis mostras breves e catro traballos en proceso. Entre as propostas figuran Naufragio, de Labsurda; Serena, de Circ Bover; Matrimonio, de Kolektivo Konika; Siku, de Jessica Arpin; e Sen patrón, de Pistacatro, que ofreceu un adianto artístico durante a presentación.
