viernes, 23 de octubre de 2026
Nota de prensa de la Real Academia Gallega (RAG):
A académica Margarita Ledo Andión é a gañadora do XV Premio Ramón Piñeiro "Facer País", galardón da Asociación Cultural Val de Láncara que recoñece cada ano o labor dunha persoa ou entidade a favor do desenvolvemento de Galicia. O xurado destacou o traballo que Ledo realizou desde moi nova a prol da lingua e da cultura galegas.
A catedrática de Comunicación Audiovisual da Universidade de Santiago de Compostela e cineasta natural de Castro de Rei (Lugo) é membro da executiva da Real Academia Galega, na que ocupa o posto de arquiveira-bibliotecaria. Margarita Ledo Andión recolleu este novo recoñecemento á súa traxectoria nun acto que se celebrou o sábado 12 de novembro no concello lugués de Láncara, nun acto presentado polo xornalista Xulio Xiz e no que Olalla Rodil, deputada do BNG, encargouse de facer a semblanza.
A decisión do xurado do premio foi dada a coñecer en Santiago de Compostela nun acto no que participaron Darío Piñeiro, alcalde de Láncara; Xurxo Rodríguez Lozano, profesor do CPI Ramón Piñeiro da mesma localidade; Carlos López Sierra, secretario da Asociación Cultural Val de Láncara e Manuel Fernández Arrojo, vicepresidente da mesma.
O xurado salienta de Ledo o seu "constante compromiso con Galicia na súa creadora actividade profesional como xornalista, escritora, docente e cineasta" e defínea como "partícipe fundamental no activo proceso de dignificación e renovación dos valores propios da cultura galega, con especial atención á presenza da lingua nos novos medios de comunicación".
O galardón tamén recoñece o compromiso da académica coa emigración, a defensa dos valores da liberdade e a democracia, e a "dignificación" das mulleres.
Na pasada edición, o premiado co Ramón Piñeiro "Facer País" foi o académico de honra Basilio Losada.
A primeira etapa da xira de A Gaivota, ensaio aberto desenvolveuse do 12 ao 15 de outubro na sala Atahualpa do Teatro El Galpón de Montevideo, en coprodución con esta institución e no marco do Festival Internacional de Artes Escénicas de Uruguai, FIDAE. O programa comprendeu sete representacións nas que Déborah Vukuić compartiu escenario con Camila Durán e Claudia Trecu, que entraron no lugar das actrices galegas Uxía Suevos e Mercedes Castro. A magnífica resposta do público uruguaio contou cunha destacada presenza da comunidade galega, que converteu as funcións nun espazo de encontro arredor da lingua e da creación escénica de Galicia. Esta acollida precede a chegada á Arxentina, onde Déborah Vukuić compartirá escenario coas actrices locais Eugenia Alonso e Carmela Rivero.
Trátase dunha iniciativa que nace como evolución de Circo Presente Continuo e que se vai desenvolver por primeira vez fóra de Madrid. A Cidade da Cultura, o Teatro Principal e o Salón Teatro serán as súas sedes na capital galega, reunindo artistas, compañías, profesionais da programación, distribuidoras e institucións para compartir proxectos e favorecer novas oportunidades de colaboración e contratación. O programa inclúe oito espectáculos, seis mostras breves e catro traballos en proceso. Entre as propostas figuran Naufragio, de Labsurda; Serena, de Circ Bover; Matrimonio, de Kolektivo Konika; Siku, de Jessica Arpin; e Sen patrón, de Pistacatro, que ofreceu un adianto artístico durante a presentación.
