viernes, 23 de octubre de 2026
Nota de prensa del Gabinete de Comunicación de la Xunta de Galicia:
A directora xeral de Comercio, Sol Vázquez Abeal, participou no Encontro Galicia & Xapón, un proxecto de colaboración coa Axencia Turismo de Galicia e a Fundación Eugenio Granell que ten por obxectivo difundir e afondar no coñecemento da cultura de ambos países, tanto tradicional como contemporánea, e axudar a fomentar o intercambio comercial e cultural entre Xapón e Galicia.
Nunha das principais salas de exposición da fundación compostelá, as participantes no evento luciron pezas de Noriko Hashizume, directora da marca Tamanori dedicada ao deseño e confección de quimonos, mesturándose con traxes galegos do obradoiro santiagués Bulideira, dirixido pola artesá Montserrat Liñares.
A fusión de ambas culturas, o coñecemento creativo e a experiencia profesional de ambas creadoras, son o fío condutor desta presentación que pon o punto á visita de catro días a Galicia de Noriko Hashizume para coñecer parte da súa oferta turística e a artesanía galega.
Inspirados na tradición, os quimonos de Noriko Hashizume adquiren unha nova dimensión e pasan a ser pezas contemporáneas meticulosamente elaboradas e personalizadas respectando os procesos e a filosofía dos artesáns tradicionais xaponeses. Pola súa parte, Bulideira transmite o seu espírito de conservación do traxe tradicional galego, presentando unha reprodución de pezas antigas, xoiería, panos e sombreiros que confeccionan e elaboran na súa tenda obradoiro da capital compostelá.
A través deste proxecto continúase a apostar pola colaboración entre artesanía e o turismo e forma parte da estratexia da Consellería de Economía, Emprego e Industria para promover o sector artesanal galego e consolidar un sector competitivo, un dos grandes retos do Plan de Artesanía de Galicia.
A primeira etapa da xira de A Gaivota, ensaio aberto desenvolveuse do 12 ao 15 de outubro na sala Atahualpa do Teatro El Galpón de Montevideo, en coprodución con esta institución e no marco do Festival Internacional de Artes Escénicas de Uruguai, FIDAE. O programa comprendeu sete representacións nas que Déborah Vukuić compartiu escenario con Camila Durán e Claudia Trecu, que entraron no lugar das actrices galegas Uxía Suevos e Mercedes Castro. A magnífica resposta do público uruguaio contou cunha destacada presenza da comunidade galega, que converteu as funcións nun espazo de encontro arredor da lingua e da creación escénica de Galicia. Esta acollida precede a chegada á Arxentina, onde Déborah Vukuić compartirá escenario coas actrices locais Eugenia Alonso e Carmela Rivero.
Trátase dunha iniciativa que nace como evolución de Circo Presente Continuo e que se vai desenvolver por primeira vez fóra de Madrid. A Cidade da Cultura, o Teatro Principal e o Salón Teatro serán as súas sedes na capital galega, reunindo artistas, compañías, profesionais da programación, distribuidoras e institucións para compartir proxectos e favorecer novas oportunidades de colaboración e contratación. O programa inclúe oito espectáculos, seis mostras breves e catro traballos en proceso. Entre as propostas figuran Naufragio, de Labsurda; Serena, de Circ Bover; Matrimonio, de Kolektivo Konika; Siku, de Jessica Arpin; e Sen patrón, de Pistacatro, que ofreceu un adianto artístico durante a presentación.
