jueves, 25 de abril de 2024
Nota de prensa del Gabinete de Comunicación de la Xunta de Galicia:
A Consellería de Cultura, Educación e Ordenación Universitaria anuncia que o proxecto A través dun horizonte sen corpo de Fredy Solano vén de ser elixido como gañador da IV Convocatoria de Intervencións Artísticas nas Torres Hejduk, certame organizado pola Fundación Cidade da Cultura de Galicia e aberto a todos os participantes no VI Encontro de Artistas Novos. O artista, de orixe salvadoreño pero residente actualmente en Vigo, plasmará no Gaiás o seu concepto da arte como ocupación e intervención do espazo público.
Fredy Solano busca con A través dun horizonte sen corpo proxectar na paisaxe do Gaiás unha terceira Torre Hejduk, colocando un mural sobre o espazo negativo que se forma entre a torre de pedra e a torre de cristal.
En palabras de Eisenman, John Hejduk concibiu a creación desta terceira torre como a iglesia sen corpo, conferíndolle un corpo metafórico ao acto arquitectónico. Baseándose neste concepto de transparencia, o mural busca ser unha intervención atmosférica integrada na contorna e mimetizada coa paisaxe do monte Gaiás. A idea de Solano é construír un panel de gradientes de cores sobre unha superficie traslúcida duns 25 metros de alto e 7 de ancho na parte superior e de 3 na inferior, cun resultado de 125 metros cadrados de superficie.
A intervención de Fredy Solano verá a luz o 31 de agosto do 2017, coincidindo coa celebración da VI Encontro de Artistas Novos na Cidade da Cultura. A mostra permanecerá aberta tres meses e contará con entrada de balde.
Fredy Solano-Póker (1992, El Salvador) foi un dos 40 artistas emerxentes que participou este ano no Encontro de Artistas Novos. Aínda que comezou como artista do graffiti en 2006, actualmente dedícase á produción de instalacións site specific e accións en espazos públicos.
Licenciado en Deseño Gráfico e Publicidade na Universidade Don Bosco de El Salvador, a súa experiencia artística inclúe a súa participación en exposicións como Fusilamiento do Festival ecléctico de las artes, Antes y después no Centro Cultural España, El grafiti no es nada do Festival de Intervencións en espazos públicos ADAPTE de El Salvador; ou a exposición colectiva Tropical taboo na Benedictine University de Chicago. Recentemente foi seleccionado pola residencia RAPACES, Nicaragua; YES Academy- El Salvador por Mark Dion, Dena Sherwood and Deana Haggag (The Contemporary Baltimore); e VOLUMES, De lo tangible a lo intangible, Zürich, Suíza. Tamén foi representante do seu país na X Bienal Centroaméricana, comisariada por Tamara Díaz Brigas, Museo de arte y Diseño Contemporáneo. Actualmente vive e traballa en Vigo.
Fotografía: Gabinete de Comunicación de la Xunta de Galicia
Hugo fala da relación do seu protagonista, un rapaz con trastorno do espectro autista, coa súa amiga Laia. Jimmy Núñez e María Roja interpretan este espectáculo, seleccionado para a primeira edición do circuíto estatal de artes escénicas para a infancia e a mocidade da ASSITEJ. Baixo o lema Voces dun mundo novo, o congreso reunirá compañías e profesionais de numerosos países arredor dunha programación artística, de relatorios e de intercambio, que este ano lles presta especial atención á participación, á amplitude de formas artísticas e á celebración do impacto comunitario. Para a configuración da carteleira de espectáculos tivéronse en conta especialmente propostas que traballan en espazos e formatos non tradicionais, inclusivas e sensoriais.
O Instituto Nacional de Estatística (INE), publicou hoxe os datos referidos aos establecementos hoteleiros no mes de marzo, nos que a Semana Santa contribuiu a que o sector hoteleiro galego consolidase a crecente mellora da súa rendibilidade. En concreto, segundo o INE, a rendibilidade hoteleira medrou en marzo un 15%. Con estas cifras estímase que o sector hoteleiro obtivo uns ingresos totais de 21,9 millóns de euros ese mes, cifra que supera nun 23% o dato de marzo do ano pasado, que non coincidiu coa Semana Santa, que fora en abril. Tamén medrou con respecto ao valor previo á pandemia, cando se facturaron preto de 16 millóns de euros. En canto ao número de viaxeiros, o segmento hoteleiro presentou un comportamento positivo en Galicia en marzo.
