viernes, 23 de octubre de 2026
Nota de prensa del Gabinete de Comunicación de la Xunta de Galicia:
O 110º aniversario do Real Club Deportivo da Coruña e a figura de Wenceslao Fernández Flórez como cronista futbolístico serán obxecto do coloquio e as proxeccións que acolle o xoves 19 de outubro, ás 20.00 horas, o Centro Galego de Artes da Imaxe (CGAI-Filmoteca de Galicia) como apertura do ciclo De portería a portería: Fútbol e Cinema desde Galicia e A Coruña. Este programa forma parte das actividades do congreso internacional sobre o escritor coruñés que organiza a Fundación Wenceslao Fernández Flórez en colaboración con numerosas entidades públicas e privadas.
Na primeira sesión ofrecerase un percorrido en imaxes cinematográficas pola historia do Deportivo coa exhibición de oito fitas que abranguen desde 1932 ata 1970. O público poderá ver desde a crónica do partido Deportivo-Eiriña incluída no Noticiario Folk nº 1 ata diferentes NO-DO que recollen enfrontamentos co San Lorenzo de Almagro (1947), Atlético de Madrid (1956), Real Madrid e Nacional de Montevideo (1958), Valladolid (1964), Sporting de Lisboa (1964) e Celta de Vigo (1970), entre outros.
O pase acompañarase dun coloquio no que, xunto co director do CGAI, Guillermo Escrigas, e o presidente da Fundación Wenceslao Fernández Flórez, José Luis Castro de Paz, está prevista a participación de José Manuel Sande, concelleiro de Cultura, Deporte e Coñecemento da Coruña; Constantino Fernández, presidente do Deportivo; Arsenio Iglesias, ex-xogador e ex-adestrador do club branquiazul; e os xornalistas Pepe Domingo Castaño e Rubén Ventureira.
As dúas xornadas seguintes dedicaranse a ofrecer unha visión do mundo do fútbol desde a ficción cinematográfica a través de dous filmes vinculados tanto a Galicia como a Wenceslao Fernández Flórez. O venres, ás 20.30 horas, proxectarase ¡¡Campeones!!, produción de 1943 dirixida polo coruñés Ramón Torrado. Nela interveñen algúns dos futbolistas máis famosos da época como Zamora, Quincoces, Pasarín ou Mesa.
O sábado, ás 18.00 horas, será a quenda de El sistema Pelegrín (1952), con guión do propio Fernández Flórez e dirección de Ignacio F. Iquino. Fernando Fernán Gómez e Isabel de Castro son os protagonistas desta historia sobre un fracasado axente de seguros que consegue traballo nun colexio como profesor de ximnasia e adestrador de fútbol.
As tres sesións do ciclo De portería a portería: Fútbol e Cinema desde Galicia e A Coruña son de acceso libre ata completar a capacidade da sala.
Fotografía: Gabinete de Comunicación de la Xunta de Galicia
Foi inaugurada no Museo do Pobo Galego a exposición 'Transfronteiriza', da artista e cineasta tudense Diana Gonçalves, que permanecerá aberta ao público ata o 28 de marzo de 2027. A mostra parte do documental 'Mulleres da Raia', da mesma autora, e froito de tres anos de investigación. A través da linguaxe cinematográfica, de materiais documentais, arquivos históricos e elementos patrimoniais, a proposta constrúe unha experiencia arredor da memoria compartida entre Galicia e o norte de Portugal. En concreto, Transfronteiriza recupera a memoria das mulleres que viviron na fronteira entre ambos territorios a mediados do século XX, que desempeñaron un papel fundamental no comercio transfronteirizo e na supervivencia económica das familias.
Trátase dunha iniciativa que nace como evolución de Circo Presente Continuo e que se vai desenvolver por primeira vez fóra de Madrid. A Cidade da Cultura, o Teatro Principal e o Salón Teatro serán as súas sedes na capital galega, reunindo artistas, compañías, profesionais da programación, distribuidoras e institucións para compartir proxectos e favorecer novas oportunidades de colaboración e contratación. O programa inclúe oito espectáculos, seis mostras breves e catro traballos en proceso. Entre as propostas figuran Naufragio, de Labsurda; Serena, de Circ Bover; Matrimonio, de Kolektivo Konika; Siku, de Jessica Arpin; e Sen patrón, de Pistacatro, que ofreceu un adianto artístico durante a presentación.
