viernes, 23 de octubre de 2026
Nota de prensa del Gabinete de Comunicación de la Xunta de Galicia:
O Ourense Film Festival (OUFF) presentou o programa da súa vixésimo primeira edición, que se desenvolve do 28 de outubro ao 5 de novembro. Nela apóstase por unha nova estrutura de contidos con dúas novas seccións competitivas (Iberoamérica e Óperas Primas) e especiais temáticos nos que o cinema galego estará representado por 17 títulos.
A Consellería de Cultura e Educación volve apoiar este certame mediante un convenio de colaboración asinado entre o Concello ourensán e a Axencia Galega das Industrias Culturais (Agadic), así como da achega da Secretaría Xeral de Política Lingüística na organización do programa OUFF Escola para a dinamización do galego a través do audiovisual.
Así o explicou o director da Agadic, Jacobo Sutil, quen participou neste acto de presentación xunto con Jesús Vázquez Abad, alcalde de Ourense; Anxo Lorenzo, secretario xeral de Cultura; Rosendo Fernández, vicepresidente primeiro da Deputación Provincial; Belén Iglesias Cortés, concelleira de Educación, Cultura e Comercio; e Fran Gayo, director artístico do festival.
Sutil destacou a traxectoria profesional de Fran Gayo, ao tempo que sinalou que a súa incorporación ao equipo do Festival de Cine Internacional de Ourense tradúcese nunha nova estrutura, novos apartados, nova relación co cinema e cos principais festivais audiovisuais europeos. Neste sentido, augurou que este será un OUFF diferente, máis especializado, con máis personalidade e aínda máis rico en contidos.
En canto á colaboración da Agadic, enmarcouna dentro da súa liña de traballo a prol da industria audiovisual galega, que desenvolve tanto a través do programa de subvencións públicas como do seu apoio a diferentes iniciativas que, como no caso do certame ourensán, fomentan o encontro entre os profesionais e maila formación e a creación de públicos.
O responsable da Axencia Galega das Industrias Culturais felicitou ao realizador galego Oliver Laxe polo Premio Cidade de Ourense, que se lle entregará durante o festival , e subliñou, ademais, o II Encontro de Coprodución Audiovisual Portugal-Galicia, que a Consellería de Cultura e Educación está a organizar ao abeiro desta 21º edición. Con esta iniciativa búscase chegar a novas alianzas entre produtoras de ambos países, repetindo a boa resposta do ano pasado, cando se contou coa participación de 27 entidades e empresas galegas e portuguesas. Nese primeiro encontro, comezou a tomar forma, por exemplo, a serie televisiva Vidago Palace, que está a iniciar agora a súa rodaxe promovida pola galega Portocabo e a portuguesa HOP Filmes e coproducida pola TVG e a RTP lusa.
Galicia e os profesionais galegos terán tamén unha destacada presenza no resto da programación, comezando polo filme inaugural, Santoalla, un documental estadounidense sobre o asasinato dun cidadán holandés veciño da devandita parroquia de Petín.
En canto ás producións galegas ou dirixidas por realizadores galegos, o programa deste ano ofrécelle ao público un total de 17 longas e curtametraxes. Así, Angélica (una tragedia), de Manuel Fernández-Valdés, e Manuel Vilariño. Ser luz, de José Manuel Mariño, exhibiranse na competición iberoamericana. Manifestos proxectará as curtas Jeanette, de Xurxo Chirro en colaboración co alumnado do IES Sangriña da Garda, e Montañas ardientes que vomitan fuego e Sin Dios ni Santa María, de Samuel M. Delgado e Helena Girón.
Ademais, a sección Síntomas programa o documental de Ángeles Huerta Esquece Monelos, a película de Nely Reguera María (y los demás) e Verengo, de Víctor Hugo Seaone. E en Extramuros poderá verse El pozo, de Héctor Domínguez-Viguera; O rebelde, de Óscar Doviso; Pelerinaxes, de Simone Saibene; Share o no Share, de Juan Hosé Hervella Rego; Visións de Xisela Franco e Beli Martínez; Nación de muchachos, de Javier Camino; e We The Media, de Héctor Carré.
Pola súa banda, a artista e realizadora limiá María Ruido protagonizará un dos apartados Foco da carteleira con Loeil Impérative e Le rêve est fini, mentres que Lois Patiño presentará a súa instalación Tempo vertical e Juan Galiñanes manterá un encontro co alumnado que participará no OUFF Escola.
Fotografía: Gabinete de Comunicación de la Xunta de Galicia
Foi inaugurada no Museo do Pobo Galego a exposición 'Transfronteiriza', da artista e cineasta tudense Diana Gonçalves, que permanecerá aberta ao público ata o 28 de marzo de 2027. A mostra parte do documental 'Mulleres da Raia', da mesma autora, e froito de tres anos de investigación. A través da linguaxe cinematográfica, de materiais documentais, arquivos históricos e elementos patrimoniais, a proposta constrúe unha experiencia arredor da memoria compartida entre Galicia e o norte de Portugal. En concreto, Transfronteiriza recupera a memoria das mulleres que viviron na fronteira entre ambos territorios a mediados do século XX, que desempeñaron un papel fundamental no comercio transfronteirizo e na supervivencia económica das familias.
Trátase dunha iniciativa que nace como evolución de Circo Presente Continuo e que se vai desenvolver por primeira vez fóra de Madrid. A Cidade da Cultura, o Teatro Principal e o Salón Teatro serán as súas sedes na capital galega, reunindo artistas, compañías, profesionais da programación, distribuidoras e institucións para compartir proxectos e favorecer novas oportunidades de colaboración e contratación. O programa inclúe oito espectáculos, seis mostras breves e catro traballos en proceso. Entre as propostas figuran Naufragio, de Labsurda; Serena, de Circ Bover; Matrimonio, de Kolektivo Konika; Siku, de Jessica Arpin; e Sen patrón, de Pistacatro, que ofreceu un adianto artístico durante a presentación.
