miércoles, 12 de agosto de 2026
Nota de prensa del Gabinete de Comunicación del PSdeG:
O deputado socialista José Luis Méndez Romeu denunciou o estrangulamento orzamentario do Consello Galego de Competencia, ao que Feijóo reduciulle o seu orzamento nun 70% dende 2008, ao tempo que ten a súa reordenación e transformación nun órgano colexiado paralizada dende hai 2 anos e medio.
Na comparecencia do director do ente en Comisión parlamentaria, o responsable socialista dixo que a situación deste órgano provoca serias dúbidas sobre o feito de que a política de competencia sexa minimamente importante para o goberno galego. Desta maneira, algunhas das actividades ordenadas por Lei simplemente non se poden realizar, como é o caso do control das axudas públicas concedidas en 2015.
Méndez Romeu advertiu ademais do desleixo do ente á hora de estudar as condicións impostas nas contratacións da Xunta, que afectan directamente á competencia impoñendo requisitos disuasorios e criterios sesgados e restritivos. É o caso, explicou, da recente contratación do servizo de ambulancias sanitarias, ou da imposición de megacontratos no sector hospitalario que impiden a participación de axentes galegos.
O Consello Galego da Competencia tampouco deu a súa opinión, advertiu, sobre o abuso nas encomendas de xestión do goberno galego a entes propios desprezando o coñecemento acumulado das consultorías de enxeñería galegas. A Xunta, sinalou, pasou de destinarlle 13 ata 25 millóns de euros ás encomendas a entes propios.
Advertiu que tampouco amosaron curiosidade por analizar o fenómeno das plataformas colaborativas de transporte de viaxeiros ou apartamentos turísticos, un modelo en auxe a debate en todo o mundo que está a acadar solucións que respectan aos consumidores e promoven que os particulares poidan participar como operadores económicos ás que Galicia e allea.
Méndez Romeu puntualizou que mentres os organismos irmáns do Consello Galego da Competencia en outras comunidades autónomas teñen unha actividade dirixida a defender aos consumidores mesmo con iniciativas que redundan en sancións ás propias administracións, o ente galego permanece impasible.
O deputado socialista amosou a súa alarma pola falla de informe do consello na propia Lei de Protección dos Consumidores ou a Lei de Montes en 2012, ou as leis de horarios comerciais, de infraestruturas das telecomunicacións, do taxi e mesmo do emprendemento e competitividade en 2013.
No ano 2014 tampouco participou na Lei de aproveitamento eólico, do solo ou de mobilidade de terras agrarias, e en 2015 tampouco informaron sobre a Lei de transporte de viaxeiros.
Nota: Gabinete de Comunicación del PSdeG.
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
