martes, 10 de noviembre de 2026
O secretario xeral de Política Lingüística, Valentín García, inaugurou no edificio do antigo Hospicio de Ferrol a exposición coa que se lle rende homenaxe a Manuel Rodríguez López, que chegou a ser considerado o máis insigne poeta obreiro da literatura galega do século XX. A mostra, que se enmarca nas actividades do proxecto que leva o nome do escritor, está promovida por Galicia Dixital e a familia de Rodríguez López co apoio da Consellería de Cultura e Educación, do Concello de Paradela, ademais da Deputación e mailo Concello de Lugo, e a Real Academia Galega, entroutros.
A Consellería de Cultura, Educación e Ordenación Universitaria financia e promove diversas iniciativas co fin de renderlle unha homenaxe acorde á trascendencia da obra de quen foi un dos promotores da Real Academia Galega e que destacou en múltiples facetas como folclorista, filólogo, filósofo, literato e pensador político.
O proxecto Manuel Rodríguez López, iniciado hai tres anos, está conformado por unha páxina web en galego, catalán, castelán e inglés, diversas publicacións e actividades, ademais desta mostra itinerante que xa percorreu parte da xeografía galega e mailo Centro Galego de Barcelona. Con el preténdese dar a coñecer a vida e obra deste autor de Paradela, que con moi poucos anos emigrou a Cataluña converténdose no poeta en lingua galega que difundiu o labor dos seus paisanos na comunidade onde emigraron, constituíndo a ponte entre Galicia e Cataluña e chegando a ser considerado o máis senlleiro da literatura galega do século XX.
A mostra sobre a vida e a obra do poeta poderase visitar no edificio do antigo Hospicio de Ferrol ata finais do mes de outubro. O seguinte destino será, xa en novembro, a biblioteca provincial de Pontevedra.
------------------
A mostra forma parte do Proxecto Manuel Rodríguez López emprendido por Galicia Digital e a familia do escritor, co apoio do Concello de Paradela, a Xunta de Galicia (Secretarías Xerais de Política Lingüística e de Cultura), a Deputación Provincial de Lugo e a Real Academia Galega.
Esta mostra itinerante comezou o seu percorrido na casa da cultura de Paradela para logo expoñerse en Lugo, Begonte, Portomarín, Sarria, Vilalba, Santiago, A Coruña, Barcelona, Madrid, na Fundación Eduardo Pondal de Ponteceso, na Biblioteca Anxo Casal de Compostela, na Casa das Palabras de Guitiriz e no Concello de Meira. O próximo mes de novembro irá á Biblioteca Provincial de Pontevedra.
Está composta por oito paneis dobles, nos que se reflicte de xeito moi gráfico a vida e obra do escritor paradelense, considerado o mellor poeta obreiro galego do século XX, que escribiu en Catalunya a maior parte da súa obra, e foi, ademais dun grande animador das actividades galegas en Catalunya, o vínculo perfecto entre Galicia e os galegos emigrantes no País catalán.
A exposición, na que colabora o Club de Prensa de Ferrol e permanecerá na cidade departamental ata finais do mes de outubro, será inaugurada ás 20,00 horas deste martes próximo en acto que presidirá o Secretario Xeral de Política Lingüística da Xunta de Galicia, Valentín García Gómez.
Fotografías: Man Castro
Lugo e Láncara acolleron do 5 ao 7 de novembro as II Xornadas Anuais de Pensamento Galego, dedicadas nesta segunda edición á figura de Ramón Piñeiro. O encontro, organizado por Egeria reuniu especialistas, investigadores e representantes do ámbito cultural e académico arredor do pensamento, a traxectoria vital e o compromiso coa lingua e a cultura galegas dun dos intelectuais máis relevantes do século XX. As xornadas inauguráronse o xoves 5 de novembro na Casa do Concello de Lugo coa participación da alcaldesa, Elena Candia, e a presentación da exposición bibliográfica 'Eu, Ramón Piñeiro' e da web ramonpineiro.gal (desenvolvida por GaliciaDigital).
Foio presentada a quinta edición de Galicia Ilusiona, o Festival Mundial de Ilusionismo de Galicia, que volverá converter a comunidade nun referente internacional da maxia durante os meses de novembro e decembro de 2026. Dirixido por Pedro Bugarín e Dani Polo, o festival, reunirá a seis artistas internacionais multipremiados: Mago Murphy, Toni Frebourg, An Ha Lim, Didak , Bonjin Koo e Diego @ Elena, que ofrecerán o mellor do ilusionismo en diferentes teatros e auditorios galegos, achegando espectáculos a milleiros de espectadores. A programación das galas Internacionais desenvolverase en oito cidades galegas: A Coruña, Cangas, Vigo, Pontevedra, Lugo, Ferrol, Ourense e Santiago de Compostela, entre o 20 de novembro e o 13 de decembro.
