miércoles, 16 de julio de 2025
ArtesaCía presenta a montaxe teatral "Balor na acción dunha cadeira", que aborda o tema migratorio pasado e actual, e que representa o 20 e 21 de maio no Salón Teatro de Compostela. As 20:30h
"Balor na acción dunha cadeira" conta a historia esquecida, balorecida, de 3 emigrantes galegos no New York de 1920 en clave contemporánea. 3 persoas calquera, que viaxaron por necesidade e regresaron para construír escolas Modernas, porque crían que outro futuro era posible a través dunha educación libre de dogmas.
"Balor na acción dunha cadeira" incide na relación da emigración coa cultura e a educación, o conflito de identidade e unha outra visión da Historia a través dos pequenos momentos cotiás nunca rexistrados.
"Balor na acción dunha cadeira" utiliza unha linguaxe contemporánea, facendo uso das máis actuais tecnoloxías escenográficas: videomapping, cámaras en directo e Cine en Directo.
Os Concertos do Xacobeo regresan esta fin de semana á Praia da Concha de Vilagarcía de Arousa dándolle cobertura a unha nova edición do Atlantic Fest. Neste 2025, no cartel do Atlantic Fest danse cita, grandes figuras imprescindibles da escena indie-rock e o pop internacional, estatal e galega, como Primal Scream, The Jesus and Mary Chain, Slowdive, Zahara, Xoel López, Los Planetas e León Benavente, entre moitos outros, que actuarán no escenario principal do festival. As actividades gastronómicas celebraranse durante o venres 18 e sábado 19 de xullo, con degustacións e showcookings dirixidos por profesionais recoñecidos. O venres, ás 19:30 horas, a experta Salomé Beiroa será a encargada dunha cata de queixos galegos, e a partir das 22:00 horas terá lugar un showcooking a cargo do chef Iñaki Bretal, do restaurante Eirado da Leña (Pontevedra).
No que vai de ano vense rexistrando un crecemento responsable e equilibrado do turismo en Galicia, marcado por un carácter desestacionalizador do destino con incrementos de viaxeiros en xaneiro (+4%), febreiro (+3%) e maio (+4%). A isto súmase o efecto Semana Santa en marzo e abril, cun incremento neste último mes do 20%. Estas cifras xunto co feito de que o peso do verán en 2024 foi do 29% en número de viaxeiros e do 35% en noites constata que a desestacionalización do destino estase conseguindo, garantido así unha rendibilidade durante todo o ano.
