miércoles, 20 de mayo de 2026
O conselleiro de Cultura, Educación e Ordenación Universitaria, Román RodrÃguez, anunciou en Lugo que o seu departamento ten previsto para este ano novas actuación que elevarán o investimento do seu departamento neste Ben Mundial a 848.393 euros. Un conxunto de iniciativas “que se insiren en tres eixos complementarios: a conservación, a restauración e a accesibilidade universal ao monumento”, en palabras de Román RodrÃguez. En total co gasto orzado en 2015, a Xunta de Galicia inviste na cerca monumental lucense 3.867.171 euros no perÃodo 2009-2015.
Segundo explicou Román RodrÃguez, as obras de restauración do adarve e lenzos no ámbito da Porta Miñá comezarán nas vindeiras semanas e terán un prazo de execución de 8 meses. Os traballos incluirán a substitución do pavimento e reparación do sistema de impermeabilización nas zonas dos cubos XXI e XXII, a limpeza e acondicionamento de paramentos na Porta Miñá, asà como a consolidación da súa torre dereita e a recuperación do arco superior e do forxado de madeira do mesmo. O orzamento será de 262.428 euros.
“Isto –aclarou o conselleiro– deixa patente o firme compromiso da Xunta coa salvagarda e posta en valor deste Ben Mundial. Un monumento que, ademais de ser un dos sÃmbolos máis representativos de Lugo e de toda Galicia, é tamén parte esencial da vida e das relacións humanas nesta cidade bimilenaria”.
Na súa visita a Lugo o conselleiro estivo acompañado polo alcalde de Lugo, José López Orozco; a delegada territorial da Xunta, Raquel Arias; a vicepresidenta segunda da Deputación, Lara Méndez; e a xefa territorial da ConsellerÃa, Mª Carmen Gueimunde.
Un total de 596 centros de Primaria e Secundaria de toda Galicia van participar o vindeiro curso no programa de ensino hÃbrido E-Dixgal. A ConsellerÃa de Educación, Ciencia, Universidades e FP incorpora á iniciativa, a petición dos centros, dous colexios e deciden saÃr outros tres, de xeito voluntario. En concreto, os centros de nova incorporación son os colexios CEIP de Castrelo de Miño (Castrelo de Miño, Ourense) e o CEIP de Valeixe (A Caniza, Pontevedra). No que atinxe ás renuncias, son as do CEIP de Zalaeta (A Coruña), CEIP PenÃnsula da Paz (Cervo) e a do Instituto Martaguisela (O Barco).
Durante seis dÃas do mes de setembro, a cidade de Vigo acollerá un ciclo de concertos único que reunirá diferentes xeracións, estilos musicais e públicos nunha contorna privilexiada: o peirao de transatlánticos do Porto de Vigo, un espazo aberto ao Atlántico e situado en pleno corazón da rÃa de Vigo. Son e Mar combina música, identidade cultural e experiencia colectiva nunha programación pensada para todos os públicos. Ao longo do ciclo, preto de 50 artistas pasarán polo escenario principal e espérase unha asistencia superior ás 35.000 persoas entre todos os eventos programados.
