miércoles, 8 de abril de 2026
En Lugo, a vintedous de xaneiro de 2015, reúnese o xurado do XXXIX CERTAME XORNALÍSTICO Begonte o Nadal, convocado polo centro cultural José Domínguez Guizán, formado por: JOSÉ ULLA ROCHA, Alcalde de Begonte; JESÚS DOMINGUEZ GUIZÁN, Presidente do Centro Cultural convocante; XESUS MATO MATO, escritor; BLANCA PACÍN SOMOZA, Bibliotecaria; XULIO XIZ, escritor, e secretario, no nome do centro cultural, sen voz nen voto, JOSÉ RODRÍGUEZ GÓMEZ. Por unanimidade, acordan emitir o seguinte fallo:
Conceder o Premio Begonte de Xornalismo, dotado con 600 e estatuíña de Sargadelos a EL LIBRO DE BEGONTE, publicado en Galicia Digital y O Sil, por José Reinaldo Pol (Pepe Pol), de Quiroga.
Segundo premio, dotado con 300 e estatuíña de Sargadelos, ao traballo VARELA Y EL BELÉN DE BEGONTE, publicado en Galicia Digital por Beatriz Valcárcel Gómez, de Lugo.
Pola calidade dos traballos, o xurado acorda conceder cadansúa Mención de honra dotada con estatuíña de Sargadelos aos traballos:
- LA MAGIA DEL PESCADOR, de Pablo Núñez, de Lugo, publicado no xornal en La Voz de Galicia.
- PRATO PRINCIPAL: SOLIDARIEDADE CON GUARNICIÓN DE NADAL, de Ruth Fernández Fernández, de Lugo, publicado en Galicia Hoxe.
- O BELÉN DE BEGONTE: UN CURRUNCHO DE LUZ, de Xosé Román Escourido Basanta, de Viveiro.
Os premios serán entregados o 31 de xaneiro, no decurso dos actos de clausura de O NADAL DE BEGONTE.
O Carballo Interplay desenvolverá do 16 ao 19 de abril no Mercado de Carballo a súa 13ª edición cun programa de 32 actividades arredor da creación dixital contemporánea, das series en pequeno formato, a cultura de internet e a reflexión sobre os novos modos de comunicar na rede. O certame reforza especialmente este ano a presenza do galego como lingua de creación, conversa e pensamento no ecosistema dixital, cunha programación específica arredor dos contidos no noso idioma nas redes sociais, accións formativas para a mocidade, premios dirixidos a recoñecer o talento que crea na nosa lingua e novas oportunidades para a produción de proxectos audiovisuais nados no ámbito dixital.
A Cidade da Cultura celebrará o Día do Circo o vindeiro 19 de abril co espectáculo 'Sen patrón', da compañía galega Pistacatro, recoñecida co Premio Nacional 2025 desta disciplina artística. A proposta terá lugar no Xardín do Teatro, ás 17,00 horas, con entrada libre e de balde. Así, o Día do Circo convértese nun momento para celebrar tamén a chegada da primavera cunha proposta escénica aberta, festiva e accesible para todo tipo de públicos, que combina cabaré, números aéreos e malabares cunha dramaturxia que reivindica tanto técnicas circenses tradicionais como contemporáneas. Pistacatro é unha das compañías e produtoras de circo máis relevantes das artes vivas de Galicia, que traballa a prol da profesionalización do circo na Comunidade, impulsando as carreiras de artistas e traballadores do sector.
