viernes, 10 de abril de 2026
O director da Agadic (Axencia Galega das Industrias Culturais), Jacobo Sutil, visitou na capital lucense a rodaxe da película Hotel Almirante, producida pola compañía galega Formato Producciones e subvencionada pola Consellería de Cultura, Educación e Ordenación Universitaria.
O filme, que adapta nunha miniserie televisiva de dous capítulos de 90 minutos a novela homónima da escritora Marta Rivera de la Cruz, obtivo para o seu financiamento un total de 245.925 euros a través da convocatoria de axudas de 2012 destinadas ás producións audiovisuais en lingua galega.
Hotel Almirante, que tamén conta coa participación de Televisión de Galicia, estase a gravar en distintas localizacións das cidades de Lugo e A Coruña desde o pasado 27 de outubro. A xornada de rodaxe, desenvolvida en concreto na Praza Maior e no interior do edificio do Círculo das Artes de Lugo, foi seguida por Raquel Arias e por Jacobo Sutil como representantes das institucións que lle prestan apoio ao filme. Alí puideron intercambiar impresións cos membros do equipo artístico e técnico da película, entre os que se atopan o produtor Andrés Barbé, o director e guionista Antonio Cuadri ou os actores galegos Mariana Expósito e Antonio Mourelos.
Ambientada nos anos 50, Hotel Almirante conta a historia de Cristina Sanjuán, unha moza madrileña que escolle unha habitación do Hotel Almirante de Ribanova para rematar coa súa vida. Nunca antes estivera na cidade e ninguén a coñecía, pero Cristina tiña un motivo para querer que o escenario da súa morte fora precisamente aquel cuarto. A partir de aí, reconstrúese un apaixonante relato de amor, ao tempo que se desenvolve a crónica da vida do propio hotel, desde a súa fundación na segunda década do século XX ata os anos da posguerra.
Fotografía: http://www.formato.net/tv_p.html
O presidente da Xunta, Alfonso Rueda, anunciou hoxe a posta en marcha dun programa específico para reducir o abandono escolar centrado en varóns e na poboación inmigrante sen educación secundaria de segunda etapa, é dicir, que non contan con títulos superiores ao de ESO. O responsable do Executivo autonómico apuntou que a redución do abandono escolar é un 'importantísimo asunto de carácter estrutural no que a Xunta está embarcada hai tempo'. Aínda que indicou que 'imos polo bo camiño', lembrando que Galicia pechou 2025 cunha taxa do 10,4%, case tres puntos por debaixo da media estatal, sinalou que 'non podemos conformarnos nin moito menos'. Así, lembrou que a taxa de abandono educativo temperán é case o dobre nos homes (13,5%) ca nas mulleres (7,2%), polo que o Goberno galego está a intensificar as medidas especiais sobre eles.
O XIII Carballo Interplay desenvolverá do 16 ao 19 de abril un programa de 32 actividades arredor da creación dixital contemporánea, das series en pequeno formato, a cultura de internet e a reflexión sobre os novos modos de comunicar na rede. O certame reforza este ano a presenza do galego como lingua de creación, conversa e pensamento no ecosistema dixital, cunha programación específica arredor dos contidos no noso idioma nas RRSS, accións formativas para a mocidade, premios dirixidos a recoñecer o talento que crea na nosa lingua e novas oportunidades para a produción de proxectos.
