sábado, 31 de octubre de 2026
Oviedo acolle a exposición “Peregrinatio. O Camiño de San Francisco a Santiago”, enmarcada nos actos conmemorativos do VIII Centenario da Peregrinación de San Francisco de AsÃs a Santiago.
A exposición, que pode visitarse ata o 15 de outubro no Palacio de Conde de Toreno, está organizada por Turismo de Galicia dentro do convenio de colaboración que mantén co Banco EtcheverrÃa.
Esta mostra audiovisual é froito da recente viaxe realizada polo fotógrafo Manuel Valcárcel e o músico Alexandro González a través de Italia, Francia, o norte de España e a Galicia xacobea, seguindo a mesma ruta que San Francisco percorreu en 1214 desde AsÃs a Compostela.
Os autores amosáronse atentos á tradición cultural e á relixiosidade que impregna os lugares e os camiños a Santiago. Paisaxes culturais e espazos sacros ligados á orixe evanxélica da tradición cristiá sobre a que se asenta a mentalidade e a historia cultural dos pobos de Europa.
Neste fresco resáltase o fecundo encontro entre culturas que suscitan os camiños de peregrinación. Unha viaxe que se desenvolve a través de paisaxes cambiantes, ao abeiro do misterio e das inquietudes dos propios peregrinos.
Trátase, en definitiva, dunha busca espiritual que se representa na penumbra dos templos, ante o resplandecente brillo dos altares, na plenitude da natureza, no intercambio de acenos e palabras cos compañeiros de ruta, na calma do albergue, ou no medio do balbordo de mesóns e tabernas.
Os motivos de ocio e deporte, de turismo cultural, o sentimento de aventura, galvanizan en boa medida os ánimos dos modernos peregrinos. Pero nesta rede de apetencias mundanas segue a brillar unha lapa de espiritualidade que reforza a vontade de cada cal, axudándoo a superar esforzos e esquecer cansazos, logrando que o peregrino do século XXI reviva unha tradición cultural milenaria.
As claves principais deste feito histórico vivo –os seus valores universais, o seu legado cultural, a súa capacidade para potenciar aspectos como a comprensión, o intercambio, a solidariedade, a hospitalidade– están recollidas neste traballo de Manuel Valcárcel e Alexandro González, dos artistas novos galegos que, asumindo o seu papel de peregrinos, souberon ver en camiños e santuarios, cos ollos ben abertos, a esencia dun fenómeno único.
O XXXVI Festival de Jazz de Lugo ofrecerá do 4 ao 14 de novembro un total de 22 actuacións que combinarán grandes figuras internacionais cunha ampla presenza de músicos galegos en catro escenarios. Conforme ao programa, o Auditorio Fuxan os Ventos acollerá a apertura o mércores 4 co trÃo do saxofonista e clarinetista cubano Paquito DÂ’Rivera. Neste mesmo escenario actuarán Abe Rábade, o dÃa 8, e Kenny Barron Trio, o 11. No CÃrculo das Artes sucederanse James Carter Organ Trio, o 5 de novembro; Jogo de Damas, o dÃa 6; Takuya Kuroda Quintet, o 7; Patricia Brennan Septet, o dÃa 12; Erik Truffaz & Antonio Lizana, o dÃa 13, e Clarence Bekker Band, o 14 de novembro.
O informe da Dirección Xeral de Saúde Pública da ConsellerÃa de Sanidade sobre a actividade das infeccións respiratorias agudas referido á semana que rematou o 25 de outubro reflicte que a actividade gripal na comunidade mantén o seu nivel basal con tendencia crecente, constatando un incremento na dispensación de antigripais nas farmacias galegas. En concreto, a taxa de dispensación de antigripais nas farmacias aumentou un 38,9 % na última semana, mentres que a de probas de antÃxenos se reduciu nun 17,9 %, tal e como informan as oficinas de farmacia integradas na rede sentinela impulsada pola Xunta, co obxectivo de anticipar a evolución dos virus respiratorios na comunidade.
