viernes, 20 de junio de 2025
O titular da Xunta, Alberto Núñez Feijóo, destacou, tras o Consello, que a declaración como BIC do patrimonio das antigas caixas permitirá blindar a súa integridade e a máxima protección para as máis de 7.000 pezas que conforman este conxunto artÃstico. “Estamos a falar da colección que pertence á Fundación Novacaixagalicia, da colección que actualmente pertence a Novagalicia Banco e do Fondo bibliográfico e documental desta última entidade. Máis de 7.000 pezas –precisou- que inclúen principalmente obras pictóricas, escultóricas, gráficas, fotográficas, entre outras disciplinas, de máis de 1.000 autores galegos”.
Nesta liña, Feijóo avanzou que, coa publicación de tres expedientes paralelos no Diario Oficial de Galicia e no BoletÃn Oficial do Estado, a vindeira semana comezarán oficialmente os trámites. AsÃ, engadiu, “podemos dicir que iniciamos desde xa e sen volta atrás o proceso para outorgar a máxima protección legal a todo o patrimonio cultural das antigas caixas de aforro de Galicia”.
Segundo concretou, se trata de “máis de 5.600 obras que compoñen a colección de arte de Novacaixagalicia; de máis de 1.300 obras da colección de Novagalicia Banco; e dun importante fondo bibliográfico e documental de Novagalicia Banco, formado por diversos incunables e abundantes obras do século XVI e XVII”.
O responsable do Goberno galego cualificou o conxunto artÃstico de “único pola calidade das obras e polo alcance simbólico e representativo” da evolución da arte galega dos últimos tempos, e que, polo tanto “cómpre protexelo”. Por ese motivo explicou que a Xunta inicia o procedemento para a declaración de Ben de Interese Cultural, “o que permitirá verificar oficialmente con criterios cientÃficos, académicos e técnicos a relevancia coñecida e recoñecida destas coleccións”.
Segundo Feijóo, a declaración BIC permitirá acadar catro obxectivos: a obriga de dar conta á Administración de toda xestión, intervención ou actuación sobre os mesmos; o deber de notificar á Xunta toda pretensión de alleamento ou venda, podendo exercer a Xunta o dereito de tanteo ou de retracto; contar cunha base máis sólida para o exercicio das facultades de inspección e compilación de datos; e serve de base certa para o control das exportacións e, no seu caso, para a súa restrición por parte da Administración do Estado.
Por último, esta protección vese reforzada, amais, ao optar pola súa declaración como ‘coleccións’, o que determina o seu tratamento conxunto e non fragmentable en todo ou en parte. “Isto é, implica preservar as coleccións na súa integridade”, precisou o presidente da Xunta.
En definitiva, o titular do Goberno galego explicou que con esta iniciativa, a Xunta dará “a máxima protección posible que permite a lexislación de patrimonio cultural de Galicia e de España co obxectivo fundamental de garantir a integridade das coleccións, impedir o seu desmembramento e fomentar o seu disfrute polos cidadáns”.
O festival desenvolverase no adro da sede da SGAE no parque de Vista Alegre, en Santiago de Compostela. O primeiro en ocupar o escenario será o rimador de Muros 9Louro, talento emerxente que segue a pegada doutros coñecidos grupos muradáns, como The Rapants ou Capital Voskov. Este mesmo ano lanzou o seu primeiro traballo discográfico, Nove noves, cunha variada mestura de funk, bachata, reguetón, trap e pop. A continuación, será a quenda da viguesa de ascendencia brasileira Lua de Santana.
O secretario xeral de Industria e Desenvolvemento Enerxético, Nicolás Vázquez, interveu na Conferencia da Alianza de Rexións Europeas con Industria da Automoción, onde defendeu a necesidade de que os fondos europeos que permiten apoiar os sectores industriais sigan sendo xestionados polas rexións. No encontro, celebrado no marco dos traballos para avanzar no Plan de Acción para o sector do automóbil que presentou a Comisión Europea en marzo, Nicolás Vázquez remarcou que Galicia é partidaria de que se manteña a descentralización dos fondos de cohesión.
