jueves, 23 de abril de 2026
Máis de 200 profesionais participaron neste proxecto pioneiro da produtora Artefacto Producciones, entre os que destacan técnicos especialistas na captura nesta modalidade de 3D, animadores e modelmakers chegados de todo o mundo.
A banda sonora é obra do compositor norteamericano Philip Glass, candidato ós premios Óscar en tres ocasións. Durante a gravación, o equipo traballou en 19 sets de rodaxe de forma simultánea, rodando unha media de entre 2 e 3 segundos diarios por animador, e utilizando arredor de 90 bonecos para dar vida ás 13 personaxes da película.
O APÓSTOLO arrancou a súa promoción no Festival Internacional de Cine de Moscova, considerado un dos máis prestixiosos do mundo. A película conseguiu facer historia ó ser a primeira vez que unha película de animación competía na súa Sección Oficial. Tras realizar unha conseguiu estar coma finalista ó Goya á Mellor Película de Animación.
Na súa traxectoria internacional destaca o Primeiro Premio no Festival Expotoons en Bos Aires , así coma o Grand Prix no Festival Cinehorizontes de Marsella. Recibiu o Premio Especial do Xurado no Fantasporto, o Premio á Mellor Banda Sonora e o Premio do Público na Mostra de Lisboa. Recentemente ten recibido o Premio do Público no Festival de Cine de Annecy, Francia, un dos festivais internacionais referentes no mundo da animación.
Estase a celebrar a Asemblea Xeral anual de NECSTouR, a rede de rexións europeas centrada en promover o turismo sostible e competitivo. A xuntanza que se desenvolve baixo o lema 'Turismo e cultura: da creación ao legado -construíndo territorios resilentes e conectados' ten lugar estes días en Bourges, no Val de Loira (Francia), e no marco da mesma, a entidade vén de acordar a celebración da vindeira cita anual en Galicia coincidindo co Xacobeo 2027. En NECSTouR están representadas un total de 44 rexións europeas e 32 organizacións académicas, asociacións e redes de empresas de turismo sostible, que representan a 19 países europeos.
Alfonso Rueda anunciou que Galicia será a primeira comunidade que regule os exames virtuais para o ensino público non universitario. Esta regulación para a 'educación do futuro', que se encadra na futura Lei de educación dixital, contempla o emprego de 'sistemas biométricos que garantan a autenticidade dos resultados' no caso de probas a distancia sen supervisión docente. Neste sentido, cómpre lembrar que esta Lei incorporará outras medidas destinadas a responder os retos presentes e futuros da educación, como que a comunicación entre profesores e familias se produza só a través de Abalar, a prohibición de gravar clases sen autorización, ou a regulación do uso da intelixencia artificial ou do móbil nas aulas.
