viernes, 24 de abril de 2026
O conselleiro de Cultura, Educación e Ordenación Universitaria, Xesús Vázquez Abad, visitou a Biblioteca de Galicia, na Cidade da Cultura, que conta co arquivo correspondente aos fondos da Asociación da Prensa da Coruña (APC). Trátase duna colección de 1588 volumes dos xornais “La voz de Galicia”, “El Ideal Gallego”, correspondentes aos anos entre 1961 e 2009, e que se continúan editando diariamente. Por outra banda tamén se inclúen fondos correspondentes a “La Hoja del Lunes”, ata o seu peche no ano 1983.
Cómpre destacar que os citados volumes se atopan en perfecto estado de conservación e todos eles están encadernados. Estes fondos permiten ampliar e completar as coleccións coas que contaba a propia Biblioteca de Galicia, ao tempo que se poñen a disposición de todos aqueles interesados en consultar ditos documentos.
Novos fondos documentais
Durante a visita o conselleiro estivo acompañado polo secretario xeral de Cultura, Anxo Lorenzo e polo presidente da APC, Manuel González, asà como o resto da directiva da entidade herculina.
Cómpre recordar que a Biblioteca de Galicia é un órgano de difusión da cultura galega e un espazo de conservación para todos os exemplares que se publican e se teñen publicados en Galicia. Deste xeito este espazo completa agora a súa oferta documental cos fondos procedentes da APC.
A Biblioteca de Galicia ten estas coleccións de xornais cedidas pola APC en depósito, conservación e tratamento, e mesmo a dixitalización nos casos nos que a Lei de propiedade intelectual ou o permiso dos detentadores da mesma o permita. Uns fondos xa se atopan a disposición do público xeral para a súa consulta.
O festival Play-Doc desenvolverá do 29 de abril ao 3 de maio en Tui a súa 22ª edición para conectar memoria, creación actual e futuro do cinema galego e internacional. No ámbito galego, a programación desta edición volve ocupar un lugar central cunha Competición Galicia que reúne tÃtulos de Xiana do Teixeiro, Roi Fernández, Xacio Baño, Adrián Canoura, Cristina Souto, Hugo Amoedo, Bea Lema, Berio Molina e Chloé Lecci López, entre outras voces. O festival mantén, ademais, a sección Sombras, dedicada nesta ocasión á recuperación da figura de Rafael Luca de Tena, e unha nova edición de Coming Soon, espazo no que se presentarán proxectos galegos en desenvolvemento. O Play-Doc continúa a reforzar a súa función de escaparate e plataforma de difusión para a produción audiovisual do paÃs e como punto de encontro para novas obras e profesionais.
O número de persoas en Galicia que le ocasional ou habitualmente na nosa lingua medra en case nove puntos ata acadar o 72 %, isto é, sete de cada dez galegos. Ademais deste incremento do 13 por cento na lectura ocasional ou habitualmente en galego con respecto ao ano anterior, o estudo de 2025 tamén revela a consolidación dunha Galicia lectora, reflectida no sindicadores que sinalan que o 96,5 % da poboación maior de 14 anos le en calquera medio e soporte, o que sitúa a nosa Comunidade nun 1,4% por enriba da media de España. Ademais, o 70 % destas lecturas son de libros.
