domingo, 11 de mayo de 2025
O auditorio do Museo do Mar de acolle o venres 14 de decembro a partir das 19:00 h. a presentación do CD Guitarra Clásica Galega do tudense Samuel Diz. Este traballo discográfico, que describe un percorrido pola nosa tradición guitarrística até o presente, foi editado polo selo Ouvirmos e contou coa colaboración da Consellería, a través da AGADIC e da Secretaría Xeral de Cultura.
Guitarra Clásica Galega ofrécenos unha viaxe musical que nos leva da tradición á modernidade, desde o universo sonoro dos anos 20 no exilio cubano até a nova xeración de compositores galegos deste incipiente século XXI. Recuperando así para todos os afeccionados e melómanos un patrimonio musical pouco estudado, pero notablemente rico.
O disco, que incorpora pezas cun variado abano estilístico e formal, supón un punto e seguido no traballo a prol da recuperación da verdadeira entidade deste instrumento na tradición musical galega. Cómpre destacar neste sentido que se trata dun dos primeiros esforzos da posta en valor dun repertorio case inédito e dunha homenaxe á guitarra galega a través da recompilación de dezaseis pezas, todas elas fundamentais dentro do repertorio guitarrístico do país.
En palabras do musicólogo Leopoldo Neri: Este crisol caleidoscópico de pezas para guitarra, tan esplendidamente interpretadas polo tudense Samuel Diz, desvélanos un íntimo e sensual espazo da historia musical galega (sendo un primeiro paso na recuperación da tradición guitarrística da dita rexión) e, á vez, o vigor compositivo dos nosos días.
A Mostra Internacional de Teatro Cómico e Festivo de Cangas presentou hoxe a programación da súa 42ª edición, que se celebrará entre os días 22 de xuño e 6 de xullo no Auditorio Municipal Xosé Manuel Pazos Varela, así como nas rúas e noutros espazos da vila do Morrazo, que acollerán 26 espectáculos e un nutrido programa de actividades lúdicas e sectoriais. O certame, organizado desde 1984 pola Asociación Cultural Xiria, é un dos poucos festivais de teatro europeos cuxo principal selo de identidade é a comedia, unha marca consolidada e referente da produción escénica deste xénero en calquera das súas vertentes: negra, branca, xestual, contemporánea, circense, dramática, musical e, dende hai máis dunha década, tamén na danza.
A praza Conde de Fontao de Foz será o enclave elixido para a actuación extraordinaria do festival o 31 de xullo con La Carroza Del Real, mentres que o destacado pianista Denis Kozhukhin abrirá oficialmente o ciclo de concertos o 12 de agosto na Fortaleza de Alfoz. O 13 de agosto a Real Filharmonía de Galicia e o Coro da Comunidade de Madrid realizarán o primeiro concerto sinfónico-coral no que interpretarán o Réquiem de Mozart na Catedral de Mondoñedo. A clausura do XII Festival Bal y Gay será co barítono galego Borja Quiza, o 21 de agosto, no Teatro Pastor Díaz de Viveiro, cita na que tamén participarán o pianista Javier Carmena e a mezzosoprano Andrea Rey, nunha proposta que mesturará as raíces galegas e españolas.
