lunes, 27 de abril de 2026
O acto de presentación tivo lugar no Centro Cultural "Marcos Valcárcel" da Deputación de Ourense, e contou coa presenza do vicepresidente da Deputación de Ourense, Rosendo Fernández; a directora de Publicacións da institución provincial, Ana Malingre; o editor Carlos Núñez Deza; Enrique Mourille, sobriño do Padre Manuel Feijoo, e Santiago López, presidente da Asociación de exorfeonistas de Terra a Nosa.
O libro destaca por ser unha completa obra que recompila o traballo
musical do Padre Manuel Feijoo –misas, panxoliñas e obras varias-, ao que se aplicaron criterios de "edición histórica", respectando a fidelidade dos manuscritos orixinais, sen adicións ou alteracións para que a música soe tal cal e como foi concibida polo creador.
Tamén cabe salientar o pouco peso do libro, a pesares do seu gran formato, "pensado para interpretar e ser utilizado como partitura", segundo destacou o editor Carlos Núñez, e ademais é de subliñar que foi editado completamente en papel ecolóxico.
Rosendo Fernández afirmou que a obra musical do Padre Manuel Feijoo -natural das terras de Cartelle- "trascende o ámbito musical para darlle ao libro a fondura do poso e da expresión das nosas tradicións e da nosa cultura". Engadiu Fernández que a Deputación de Ourense aposta sinaladamente por promover e conservar a nosa música porque é algo consubstancial á nosa cultura".
A Deputación de Ourense conta unha liña editorial de edición de obras relacionadas coa música desta provincia, e xa ten publicado varios cancioneiros populares, estudos sobre corais ou asociacións musicais e tamén a obra de compositores ourensáns, coma Manuel de Dios, Camilo Andrade ou o Mestre Vide. En 2010, contratou o traballo de inventario da obra do franciscano ourensán o Padre Manuel Feijoo, cuxos manuscritos están depositados no arquivo do Convento Franciscano de Santiago de Compostela, coa intención de publicar a obra musical deste compositor.
Os manuscritos foron catalogados, tralo cal se fixo unha análise
musicolóxica e paleográfica da obra, ademais de transcribila e maquetar as partituras orixinais, un traballo que foi realizado por Carlos Núñez Deza.
Agora, a Asociación Exorfeonistas do Orfeón Terra a Nosa e Amigos do Padre Manuel Feijoo colabora coa Deputación de Ourense na promoción e difusión da senlleira figura do Padre Manuel Feijoo mediante a coedición deste traballo que recolle a música deste compositor ourensán que noutra época levou o nome de Ourense polo mundo.
Ferrol é a primeira das 13 citas co libro e a lectura que terán os galegos e galegas en diferentes vilas e cidades das catro provincias. Tras esta cidade, recollerá o relevo Santiago de Compostela, do 2 ao 10 de maio; Lugo, do 13 ao 17 de maio; O Porriño, do 14 ao 17 de maio; Redondela, do 11 ao 14 de xuño, e Ourense, do 17 ao 20 de xuño. Xa no mes de xullo, Vigo abrirá o dÃa 1, prolongándose ata o dÃa 7, continuando en Ponteareas, desde o dÃa 9 ata o 12, e en Rianxo do 23 ao 26. Finalmente, en agosto, as Feiras do Libro viaxarán ata A Coruña, do 1 dÃa ata o 10; Viveiro, do dÃa 13 ao 19; Foz do 20 ao 23, e rematarán en Monforte de Lemos, onde se celebrará do dÃa 26 ao 29 de agosto.
O número de persoas en Galicia que le ocasional ou habitualmente na nosa lingua medra en case nove puntos ata acadar o 72 %, isto é, sete de cada dez galegos. Ademais deste incremento do 13 por cento na lectura ocasional ou habitualmente en galego con respecto ao ano anterior, o estudo de 2025 tamén revela a consolidación dunha Galicia lectora, reflectida no sindicadores que sinalan que o 96,5 % da poboación maior de 14 anos le en calquera medio e soporte, o que sitúa a nosa Comunidade nun 1,4% por enriba da media de España. Ademais, o 70 % destas lecturas son de libros.
