lunes, 27 de abril de 2026
Cando faltan poucos meses para que se cumpran os 150 anos da publicación de Cantares Gallegos, o Grupo de Investigación Rosalía de Castro quere chamar a atención sobre os aspectos menos coñecidos e divulgados da obra da escritora galega. Con este obxectivo, este luns 22 desenvolve o I Simposio Internacional sobre a obra de Rosalía de Castro A Weapon in the Mud (Unha arma no barro), un encontro científico dedicado á difusión e avance do coñecemento sobre a prosa da autora.
O Simposio constitúe, asemade, unha actividade de intercambio científico entre o Grupo de Investigación Rosalía de Castro que presentará publicamente os seus primeiros resultados- e destacados rosalianistas como o catedrático en estudos hispánicos e latinoamericanos na Universidade de Bristol, Andrew Ginger; a catedrática en estudos hispánicos na Universidade de Nottingham, Catherine Davies; e a catedrática en lingua e literaturas hispánicas en Stony Brook University, Lou Charnon-Deutsch.
A xornada
O encontro comezou no Centro de Estudos Avanzados coa presentación do catedrático Darío Villanueva. A continuación interviñeron as investigadoras do mencionado grupo Margarita García Candeira, María López Sández, Manus ODuibhir e María do Cebreiro Villar. Deseguido, Catherine Davies (autora da monografía clásica Rosalía de Castro no seu tempo, do ano 1987) achegou aos asistentes a representación rosaliá do mundo natural, tendendo pontes co ecoloxismo literario.
Xa pola tarde ten lugar o relatorio Rosalía de Castro, bromista: estilo y época a cargo de Andrew Ginger que, ao se centrar na presenza de distintas facetas do humor (burla, sarcasmo, ironía, comicidade
) na obra da autora, permitirá matizar a consideración dunha Rosalía de Castro unicamente lírica ou saudosa. Por último, Lou Charnon-Deutsch centrarase na análise das novelas rosalianas desde o punto de vista da teoría das emocións e ilustrará o xeito no que a literatura contribúe á nosa maneira de imaxinar e de vivir as relacións.
A xornada, que concede un espazo relevante aos tempos de coloquio entre as persoas convidadas e os especialistas, remata coa presentación, ás 19.30 horas, do monográfico da revista Grial Novas olladas sobre Rosalía de Castro. A decana da Facultade de Filoloxía, María José López Couso, clausura o encontro ás 20.00 horas.
Ferrol é a primeira das 13 citas co libro e a lectura que terán os galegos e galegas en diferentes vilas e cidades das catro provincias. Tras esta cidade, recollerá o relevo Santiago de Compostela, do 2 ao 10 de maio; Lugo, do 13 ao 17 de maio; O Porriño, do 14 ao 17 de maio; Redondela, do 11 ao 14 de xuño, e Ourense, do 17 ao 20 de xuño. Xa no mes de xullo, Vigo abrirá o día 1, prolongándose ata o día 7, continuando en Ponteareas, desde o día 9 ata o 12, e en Rianxo do 23 ao 26. Finalmente, en agosto, as Feiras do Libro viaxarán ata A Coruña, do 1 día ata o 10; Viveiro, do día 13 ao 19; Foz do 20 ao 23, e rematarán en Monforte de Lemos, onde se celebrará do día 26 ao 29 de agosto.
O número de persoas en Galicia que le ocasional ou habitualmente na nosa lingua medra en case nove puntos ata acadar o 72 %, isto é, sete de cada dez galegos. Ademais deste incremento do 13 por cento na lectura ocasional ou habitualmente en galego con respecto ao ano anterior, o estudo de 2025 tamén revela a consolidación dunha Galicia lectora, reflectida no sindicadores que sinalan que o 96,5 % da poboación maior de 14 anos le en calquera medio e soporte, o que sitúa a nosa Comunidade nun 1,4% por enriba da media de España. Ademais, o 70 % destas lecturas son de libros.
