lunes, 27 de abril de 2026
Unha delegación do Ministerio de Turismo israelí visitou as instalacións da S.A. de Xestión do Plan Xacobeo, da Secretaría de Turismo da Xunta de Galicia, onde foron recibidos polo xerente da sociedade José Paz Gestoso. A delegación israelí visita Galicia na procura de asesoramento e colaboración para a promoción dunha ruta relixiosa en Israel coñecida como The Gospel Trail -A Ruta do Evanxeo-.
Os representantes israelís Uri Sahron, responsable do departamento de Turismo Relixioso do Ministerio de Turismo de Israel en Xerusalén, e Dolores Pérez, directora da Oficina Internacional Israelí de Turismo para España e Portugal. Durante todo o día de hoxe día manterán diversas reunións e mesas de traballo con técnicos do Xacobeo. Mañá trasladaranse ao poboado do Cebreiro e durante todo o día visitarán lugares emblemáticos do Camiño, así como monumentos, albergues e establecementos de turismo rural representativos ao longo do Camiño Francés ata rematar o percorrido no Monte do Gozo, en Santiago. Nesta viaxe irán acompañados por técnicos do Xacobeo.
O motivo da visita é aprender da experiencia galega na promoción, mantemento e desenvolvemento do Camiño e establecer un protocolo de colaboración entre ambas vías de peregrinacións que recolla ideas como a de crear oportunidades de intercambio cultural en base ás figuras de Xesús e o apóstolo Santiago, intercambiar información para canalizar posibles inversións de turismo, cooperar na promoción das rutas e estudar actividades conxuntas a nivel global que beneficien ás dúas peregrinacións.
A Ruta do Evanxeo
The Gospel Trail a Ruta do Evanxeo- é unha rede integrada de camiños que dende Monte Precipicio, nas aforas do sur de Nazareth, chega a Cafarnaún, na costa do Mar de Galilea. A ruta foi inaugurada o pasado ano polo Ministerio de Turismo Israelí coa idea de recuperar unha antiga ruta relixiosa e cultural. Transcorre a través das paisaxes naturais que foron o fogar de Xesús e onde tiveron lugar e inspiraron as súas ensinanzas e parábolas. A Ruta anima aos viaxeiros a seguir os pasos de Xesús. Segundo palabras do Director xeral do Ministerio de Turismo Israelí, Noaz Bar Nir, a Ruta do Evanxeo marca a transformación da Cristiandade do provincial ao universal e esta idea pode ser a base para conectar a santidade da Terra Santa con Santiago de Compostela como o máis importante lugar de peregrinación de Europa.
Ferrol é a primeira das 13 citas co libro e a lectura que terán os galegos e galegas en diferentes vilas e cidades das catro provincias. Tras esta cidade, recollerá o relevo Santiago de Compostela, do 2 ao 10 de maio; Lugo, do 13 ao 17 de maio; O Porriño, do 14 ao 17 de maio; Redondela, do 11 ao 14 de xuño, e Ourense, do 17 ao 20 de xuño. Xa no mes de xullo, Vigo abrirá o día 1, prolongándose ata o día 7, continuando en Ponteareas, desde o día 9 ata o 12, e en Rianxo do 23 ao 26. Finalmente, en agosto, as Feiras do Libro viaxarán ata A Coruña, do 1 día ata o 10; Viveiro, do día 13 ao 19; Foz do 20 ao 23, e rematarán en Monforte de Lemos, onde se celebrará do día 26 ao 29 de agosto.
O número de persoas en Galicia que le ocasional ou habitualmente na nosa lingua medra en case nove puntos ata acadar o 72 %, isto é, sete de cada dez galegos. Ademais deste incremento do 13 por cento na lectura ocasional ou habitualmente en galego con respecto ao ano anterior, o estudo de 2025 tamén revela a consolidación dunha Galicia lectora, reflectida no sindicadores que sinalan que o 96,5 % da poboación maior de 14 anos le en calquera medio e soporte, o que sitúa a nosa Comunidade nun 1,4% por enriba da media de España. Ademais, o 70 % destas lecturas son de libros.
