martes, 28 de abril de 2026
Manuel Murguía deixa o legado dun sentimento de comunidade, atemporal e integrador, un tesouro que non todos os pobos teñen. Con estas palabras o presidente da Xunta, Alberto Núñez Feijóo, quixo dar as grazas por este inapreciable regalo ao destacado galeguista e quixo, tamén, facelas extensivas a Xosé Ramón Barreiro pola biografía Murguía, un libro dixo- que é unha homenaxe a un dos Pais Fundadores do que agora somos.
Durante o acto de presentación, Feijóo destacou que Murguía é un home da súa época, que sentiu intensamente os ecos dos acontecementos que se producían no resto do mundo. Manuel Murguía é, en suma, un galego español e europeo que interpreta a galeguidade como unha suma de círculos concéntricos, nos que coexisten e se enriquecen diferentes identidades. O noso arteixán non é unha barreira contra influencias alleas, senón un transmisor delas. Anticipando o que outros dirían moito máis adiante, aspira a que Galicia se impregne delas e as interprete de acordo cos nosos códigos sociais e culturais. No seu maxín, na súa obra teórica, nas súas iniciativas, desenvólvese un galeguismo que non se identifica polas súas oposicións, senón pola capacidade aglutinadora.
Neste sentido, subliñou que a propia Real Academia é a creación dun espírito cooperativo que quere agrupar aos galegos, comulguen ou non cos seus postulados. É a súa capacidade para tender pontes cos galegos que pensan distinto, que aman de distinta maneira á patria común, a que fai posible que esta institución consiga no futuro superar momentos turbulentos. Somos e sodes unha feliz consecuencia do talante dun home que puxo ao servizo do seu país as súas inmensas capacidades intelectuais.
Feijóo concluíu a súa intervención lembrando que o autor de
O FaCeLa Fest reúne este ano a 18 bandas, encabezadas polos ingleses Temples, os galegos Triángulo de Amor Bizarro, os asturianos Australian Blonde e as madrileñas Shego. Completan o cartel o novo proxecto lucense The Foolans, Bernal, Axolotes Mexicanos, Los Palms, Pacífica, Ripship, Error 97, Sigilu, Filophóbicas, Toldos Verdes, Las Yhadys, Aeronave Adolescente, Fotocopia e Sapo Bufo. O escenario principal trasládase nesta edición á Sala Tebras pero haberá tamén concertos noutros espazos da cidade, como o Bar Facela, no barrio da Tinería.
Galicia aposta por ampliar as melloras no ensino tamén ás etapas de ESO, Bacharelato e Formación Profesional con novas propostas en materia de ratios, atención á diversidade e horario docente, dentro da vía de diálogo aberta entre Xunta e sindicatos. As propostas, que se elevarán aos órganos pertinentes coa previsión de comezar a aplicalas desde o novo curso que arranca en setembro, abordan melloras nas ratios de estudantes por aula na ESO e no Bacharelato, na atención que se presta ao alumnado que máis o precisa e na configuración do horario do profesorado e das súas funcións.
