miércoles, 29 de abril de 2026
O director xeral do Libro, Bibliotecas e Arquivos, Francisco López, participou na presentación do primeiro tomo da colección Rosalía de Castro. Poesía Completa Ilustrada, editado por el Patito Editorial, que leva por título La Flor. A mi Madre e está ilustrado por Fausto. O director xeral asegurou que coa primeira entrega desta colección tan coidada queda demostrado unha vez máis que a mensaxe de Rosalía medra constantemente. O acto contou coa participación da editora, Gemma Sesar, e o ilustrador do libro, Fausto Isorna.
Francisco López destacou, no acto celebrado na Galería Metro de Santiago, que esta colección achéganos a unha Rosalía menos frecuentada, a esa grandísima poeta de vinte anos que escribía os poemas de La flor, ou a esa Rosalía de vinte e seis anos, que expresaba a súa dor e a súa soidade nos versos de A mi madre. Francisco López subliñou como este tipo de iniciativas amosan a nosa capacidade expresiva non ten límites, e que a nosa achega resulta imprescindible para a riqueza intelectual do mundo, na variedade e na confluencia de todas as identidades culturais.
No seu discurso, o director xeral do Libro, Bibliotecas e Arquivos gabou a figura de Rosalía afirmando que tiña ese dominio exquisito da palabra, ese dominio que lle permitía romper os moldes clásicos do verso para lles dar novas harmonías, xurdidas dun talento excepcional. Coa primeira entrega desta colección tan coidada queda demostrado unha vez máis que a mensaxe de Rosalía medra constantemente, engadiu.
Doutra banda, Francisco López deixou constancia do traballo da Xunta de Galicia no ámbito da promoción do libro galego. Neste sentido, o director xeral lembrou como traballamos por facilitar o acceso lector a través da Rede de Bibliotecas de Galicia e a través das accións que se desenvolven en colaboración cos profesionais libreiros, e tamén para levalo ás cotas de exportación que merece, a través das feiras internacionais do libro, da tradución e da difusión polos medios ao noso alcance fóra do espazo xeográfico da nosa comunidade.
Foron presentadas as xornadas Galicia Biodays, que buscan posicionar Galicia como un territorio de referencia en innovación biotecnolóxica no ámbito internacional. Este evento vaise celebrar os días 6 e 7 de maio no Auditorio Mar de Vigo, e permitirá reforzar a marca Galicia Calidade en biotecnoloxía, fomentar o intercambio de coñecemento e establecer novas colaboracións científicas, empresariais e institucionais. Está previsto que asistan máis de 1000 persoas de 9 biorrexións convidadas, con máis de 130 relatores.
Alfonso Rueda informou de que o Consello deu conta do inicio da tramitación do anteproxecto da que será 'a primeira Lei do terceiro sector da acción social de Galicia'. Unha norma que busca 'unificar nun único texto legal a regulación deste eido e recoñecer de xeito formal o seu traballo e o papel que xogan as entidades na sociedade galega'. A necesidade de aprobar esta lei xustifícase na importante presenza destas entidades en Galicia, preto de 1.500, -que constitúen 'unha auténtica rede de solidariedade', segundo resaltou a conselleira de Política Social e Igualdade, Fabiola García-, para apoiar as persoas e fogares máis vulnerables.
