martes, 11 de agosto de 2026
NORTRANS pecha as portas convertido no esceario no que botou a andar o Clúster de Loxística e Transporte de Galicia, que consolidou nesta xornada o seu proceso de constitución. As Xornadas Técnicas de Viaxeiros e Mercadorías concluíron coa creación dun acordo entre o futuro Clúster e o xa existente do sector Agroalimentario para aproveitar as plataformas que a Confederación de Empresarios de Galicia desenvolve no exterior, para impulsar a internacionalización agrupada de produtos agroalimentarios, aproveitando as antigas oficinas no exterior do IGAPE.
Logo de contar con ó redor de 3.000 visitas, Nortrans conclúe convertido nun centro de negocios do sector onde se pechou operación de venda de varios vehículos, tanto de viaxeiros como de mercadorías. A feira, que medrou un 30% en superficie nesta edición, presentou as últimas novidades en produtos e servizos nunha vintena de sectores.
A Asociación Empresarial de Mercadorías por Estrada, APETAMCOR, celebrou hoxe en Nortrans unha xornada de convivencia, que contou coa presenza de centos dos seus socios, na que entregou as distinticións a transportistas Selo de Boas Prácticas Preventivas e Selo de Calidade 5 anos. Ademais, fíxoselle unha homenaxe póstuma ó expresidente de APETAMCOR, Ricardo Díaz.
Por outro lado, a Federación Galega de Transporte de Mercadorías, FEGATRAMER, celebrou tamén unha xunta directiva.
Clúster da Loxística e Transporte de Galicia
A loxística foi o fío conductor da sesión das Xornadas. A cadea de loxística e transporte, un sector que da emprego en Galicia a máis de 20.000 persoas, o que supón ó redor do 4,87% do total do Valor Engadido Bruto (VEB) xerado polo sistema empresarial privado da Comunidade Autónoma e un 4,37% do total da produción. Agárdase que estas cifras aumenten dado que existen evidencias en Europa de que as empresas asociadas a un clúster crecen por enriba da media de empresas do seu sector. O Clúster do Transporte e a Loxística de Galicia conta na actualidade cun conxunto de 71 empresas e organizacións relacionadas co este sector.
Segundo informa este Clúster, Galicia é unha rexión loxística situada moi favorablemente con respecto ao transporte marítimo internacional, que pode actuar como impulsor e motor de arrastre do conxunto de actividades de loxística e transporte de mercadorías, tales como o almacenistas, transporte por estrada ou transporte ferroviario, entre outros. Este clúster nace coa idea de ser un elemento integrador das diversas actividades de loxística e transporte de mercadorías, desenvolvendo actuacións que beneficien a toda esta cadea de actividades empresariais. E de forma indirecta, beneficiarán á mellora competitiva do conxunto da economía de Galicia a través da súas actividades da cadea de subministro, loxística, transporte e distribución.
Ademais da mesa redonda do Clúster, hoxe celebrouse una mesa redonda sobre as plataformas loxísticas onde os empresarios aproveitaron para pedirlle á Administración que flexibilice e faga competitivo o prezo do metro cadrado nos polígonos industriais e loxísticos para que lle resulte rentable ó empresario, poida establecerse nel para reducir o número de polígonos e áreas industriais valeiros.
As vindeira cita feiral en Expourense terá lugar entre o 23 e o 25 de setembro coa celebración da 11ª edición de Termatalia, Feira Internacional de Turismo Termal.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
