martes, 29 de septiembre de 2026
A Consellería de Cultura e Turismo, a través da Secretaría Xeral para o Turismo, presentou o produto turístico Especial Destinos Atlánticos, unha iniciativa que promove o turismo espiritual e de peregrinación a Galicia no mercados de España, Francia, Portugal e Irlanda. Este proxecto enmárcase dentro do programa europeo de turismo Ultreia.
O acto de presentación serviu ademais para formalizar o acordo cos turoperadores dos catro países nos que se comercializará este produto: Celtic Footstep Tour (Irlanda), Férias Alentejanas, Lda (Sur de Portugal), Mont-Saint-Michel-Voyages (Francia), Turel/TCR - Desenvolvimiento e Promoção do Turismo Cultural e Religioso e DRL(Norte de Portugal). O turoperador galego responsable da venta do produto en España é a axencia Tee Travel, de Vilagarcía de Arousa.
O obxectivo do produto Especial Destinos Atlánticos é acadar un importante aumento de viaxeiros europeos a Galicia nos próximos anos a través do seu posicionamento en máis de 3.000 puntos de venta de España, Francia, Portugal e Irlanda. Deste xeito, diferentes empresas maioristas do sector turístico serán as encargadas de distribuír este produto nos catro países socios durante os anos 2011 e 2012.
A Xunta iniciou hoxe nas residencias de maiores a campaña de vacinación fronte á gripe, que incorpora a vacina reforzada desde os 65 anos e busca chegar a 926.000 persoas de máis de 60 anos. En Galicia hai 926.000 persoas de 60 ou máis anos como poboación diana para a vacinación fronte á gripe, e ao redor de 549.000 maiores de 70 anos, que é a poboación diana para a que está indicada a inmunización fronte á covid. A campaña prolongarase ata o 31 de decembro, desenvolvéndose de xeito progresivo nos distintos colectivos e grupos de idade. Así, logo do arranque de hoxe nas residencias de maiores e centros de discapacidade, o vindeiro día 13 de outubro incorporarase a vacinación infantil nos centros de saúde e nos 75 colexios.
O informe de balance do programa de axudas para a Atracción de Empresas a Galicia, unha liña xestionada pola Consellería de Economía e Industria a través do Igape que se consolida como un piar estable dentro da estratexia económica do Goberno galego, reflicte que entre os anos 2024 e 2026, este programa permitiu a concesión de 74,08 millóns de euros en subvencións públicas, unha contía que impulsou a posta en marcha de 96 proxectos empresariais e que xerará un impacto económico total de 256,75 millóns de euros en mobilización de investimento privado.
