miércoles, 22 de abril de 2026
O Presidente da Deputación de Lugo, José Ramón Gómez Besteiro, inaugurou no Salón de Actos da sede do organismo provincial o IX Congreso de Radioloxía, no que participan 115 persoas, entre conferenciantes e asistentes ás xornadas. Gómez Besteiro felicitou á Sociedade Galega de Radioloxía por elixir a capital lucense para celebrar este congreso, que ten carácter bianual, e que en anteriores edicións celebrouse en cidades como Vigo ou Santiago de Compostela. No foro, este colectivo médico debate cuestións de actualidade e relevancia para o desenvolvemento do seu labor profesional.
Gómez Besteiro estivo acompañado no acto de inauguración polo presidente da Sociedade Galega de Radioloxía, Xan Vieito Fuentes, e polo presidente do comité organizador, Julio Rodríguez García. Na súa intervención, o titular da institución provincial puxo de relevo o papel fundamental que cumpren os radiólogos como parte dos equipos médicos que diagnostican e tratan ós pacientes, mesmo axudando a solucionar patoloxías sen ter que recorrer a intervencións ou certos tratamentos.
Neste senso, o Presidente da Deputación tamén reivindicou que non se elimine prazas de radiólogos en ningún hospital da provincia nin de Galicia porque a súa labor non se pode facer a distancia, a súa presenza física nos centros é esencial, pois non son meros interpretadores de imaxes, senón especialistas que chegan a conclusións vendo as probas, pero tamén valorando o contexto particular de cada paciente.
O Congreso Galego de Radioloxía concluirá mañá e, entre as cuestións a aborda polos poñentes, figuran os novos tratamentos antitumorais, a detección precoz do cancro ou os novos horizontes na especialidade de radioloxía.
Inspirada no Camiño da Traslatio, Saias do mar é un espectáculo de danza contemporánea que homenaxea a muller galega como forza ancestral ligada ao mar. A peza transforma o corpo nun territorio fluído e propón unha lectura coreográfica do feminino como memoria viva e indómita, depositaria dunha herdanza espiritual e simbólica, vencellada á ruta sagrada que trouxo o corpo do apóstolo Santiago por vía marítima ata estas terras. Juan Miguel Hernández é o autor da coreografía desta montaxe dirixida por Nerea Andrés, e ambos forman tamén parte do elenco xunto a Dayron Rodríguez, Irene Lorenzo, Laura Pereiras, Lucía Fontenla, Alba Fariña e Zoe Amor. A proposta, de 40 minutos de duración e pensada para poder executarse en todo tipo de espazos, complétase cunha selección musical de Rosa Cedrón, Daniel Minimalia e Luar na Lubre, vestiario de Santos Salgado e atrezzo de Elva Bernat.
O presidente da Xunta informou de que a Xunta vén de solicitar ao Goberno central 'que suspenda de inmediato a reforma do Regulamento de Costas' porque 'invade competencias exclusivas de Galicia e vulnera os dereitos dos titulares de concesións do litoral'. O Goberno autonómico lembra que, nos termos actualmente previstos, este regulamento non se adecuaría ás exixencias da Comisión Europea nin ao propio Dereito comunitario.
