jueves, 18 de junio de 2026
A consulta realizada ten consideración de ditame preceptivo, segundo establece o propio regulamento deste organismo. A conselleira de Traballo e Benestar, Beatriz Mato, presidiu esta sexta xuntanza do Consello galego de voluntariado. O departamento autonómico convocou a reunión por dúas razóns: para abordar a Lei galega de acción voluntaria e para presentar a programación para o Ano europeo do voluntariado.
No Consello están representadas –ademais da propia ConsellerÃa, a través dos seus directores xerais- as entidades galegas de acción voluntaria, as entidades locais, o Consello Galego da Xuventude, as organizacións sindicais e a Confederación de empresarios de Galicia.
Tanto a conselleira como o director xeral de Xuventude e Voluntariado, Ovidio Rodeiro, expuxeron os detalles do anteproxecto de Lei, co fin de consultar o seu parecer aos asistentes, que emitiron todos un voto favorable e presentaron algunhas alegacións “que serán estudadas para incorporar ao texto”.
Neste sentido, Mato destacou que a elaboración deste anteproxecto partiu da premisa de contar co “máximo consenso posible”. Por iso, durante a súa redacción xa se contou coas preto de 800 entidades inscritas no Rexistro de entidades de acción voluntaria para recoller as súas alegacións. Ademais, con este mesmo obxectivo, o borrador estivo dispoñible para facer alegacións na web de Voluntariado.
“O obxectivo é dotar ao voluntariado dun marco normativo propio, que sirva para mellorar a cantidade e calidade da acción voluntaria en Galicia”, resumiu a conselleira. Trátase dun texto “novidoso e moderno”, que incorpora as novas visións da Unión Europea, e que actualiza a normativa actual, que data do ano 2000.
Ademais, é unha lei “completa”, que abrangue desde a formación en voluntariado ata o fomento da acción voluntaria en todos os eidos da sociedade. Tamén achega instrumentos de planificación e regula o propio Consello Galego de Acción Voluntaria, ademais de crear o Observatorio galego da acción voluntaria.
Un dos puntos principais deste anteproxecto é que prevé que os voluntarios poidan acreditar a súa experiencia a través de certificacións. AsÃ, introduce a posibilidade de que os voluntarios e voluntarias poidan obter certificacións da súa participación en distintas actividades, a fin de poder acreditar un historial persoal que valide e recoñeza a experiencia adquirida.
Ademais, o anteproxecto integra como sector novo de actuación da acción voluntaria o fomento de novas tecnoloxÃas e incorpóranse novas accións de fomento do voluntariado. En concreto, preténdese lograr unha maior continuidade temporal do compromiso das persoas voluntarias, asà como promover o voluntariado nos centros educativos e fomentar a acción voluntaria corporativa que desenvolven as empresas no seu contorno económico e social.
Con respecto á programación do Ano europeo do voluntariado, Mato destacou que Galicia será a encargada este ano de organizar o Congreso estatal de voluntariado, que permitirá a Galicia “converterse no epicentro da acción voluntaria de toda España, difundir o noso labor neste eido e vinculalo ao Camiño de Santiago”. De aà o lema “Camiños de solidariedade”, que terá este Congreso.
A Mostra Internacional de Teatro de Ribadavia reunirá do 17 ao 25 de xullo 25 espectáculos procedentes de Galicia, Portugal, Francia, México e diferentes comunidades autónomas, nunha 42ª edición atravesada pola creación contemporánea, a diversidade de linguaxes e formatos, a memoria histórica, a música en directo e a capacidade da escena para activar pensamento crÃtico e experiencia colectiva. Entre estas propostas figura A Fortaleza, da compañÃa A Feroz, coproducida polo Centro Dramático Galego e o festival FITEI do Porto. A obra, dirixida pola portuguesa Raquel Sousa e con dramaturxia de Lorena Conde e da propia Sousa, recupera a memoria das guerrilleiras antifranquistas galegas a través da figura de Consuelo RodrÃguez López, Chelo.
O Festival de Música Antiga e Barroca Ateneo Barroco celebrará do 6 ao 20 de outubro a súa oitava edición cun programa articulado arredor da música antiga, os instrumentos históricos, a divulgación e o encontro co público. O certame compostelá ofrecerá seis concertos en diferentes espazos da capital de Galicia, ademais de cinema documental, unha conferencia, unha acción de improvisación, un club de lectura e varios encontros cos artistas. A programación principal de Ateneo Barroco desenvolverase en espazos como a Igrexa da Universidade, o Teatro Principal, o Salón Teatro e o Paraninfo da Universidade. O calendario de recitais abrirase con Lina Tur Bonet e Bach, partita, sonata, e continuará con Ars Atlántica, Resonet, Arc & Volta e Bertrand Cuiller, antes do peche con Accademia del Piacere e Fahmi Alqhai en In dulci jubilo.
