martes, 29 de septiembre de 2026
Os responsables do Laboratorio Ibérico Internacional de Nanotecnoloxía (INL) de Braga, en Portugal, visitaron as obras das novas instalacións do CETAL, en San Fiz. Na visita estiveron ademais o vicerreitor Adxunto de Investigación, Pablo Ramil; la directora del Grupo e investigación de análisis sensorial de la USC, Ángeles Romero; e o coordinador RIAIDT, Julio A. Seijas, guiados en todo momento polo director do Centro Tecnolóxico Agroalimentario de Lugo, un técnico de obra e a delegada de TRAGSA na provincia lucense.
José Rivas (Director do INL) e Paulo Freitas (Vice Director do INL) amosaron especial interese en establecer liñas de colaboración co CETAL, xa que no INL desenvolven proxectos de aplicación de nanotecnoloxía no ámbito agroalimentario. Así pois, mostráronse abertos a futuras xuntanzas e convidaron a Eduardo Vidal a visitar o laboratorio en Braga. Destacaron a relevancia dun centro coma o lucense, non no a nivel galego, senón estatal. Ademais ratificaron a importancia das innovacións que incluía a construción e estrutura da nova sede da Fundación.
Pola súa parte, o director do CETAL manifestouse agradecido polos eloxios dos visitantes e recordou que o INL conta cunha superficie de 26.000 metros e cun importante equipo de profesionais que traballan en laboratorios, sumamente avanzados. Do seu labor dixo a nanotecnoloxía permite atopar solucións vangardistas e eficientes en ámbitos como a bioloxía molecular, a bioquímica, as matemáticas, a informática. A súa vez, sirve para resolver dende problemas ambientais aos problemas médicos; e, mesmo, para crear aparatos novidosos nestes campos.
A Xunta iniciou hoxe nas residencias de maiores a campaña de vacinación fronte á gripe, que incorpora a vacina reforzada desde os 65 anos e busca chegar a 926.000 persoas de máis de 60 anos. En Galicia hai 926.000 persoas de 60 ou máis anos como poboación diana para a vacinación fronte á gripe, e ao redor de 549.000 maiores de 70 anos, que é a poboación diana para a que está indicada a inmunización fronte á covid. A campaña prolongarase ata o 31 de decembro, desenvolvéndose de xeito progresivo nos distintos colectivos e grupos de idade. Así, logo do arranque de hoxe nas residencias de maiores e centros de discapacidade, o vindeiro día 13 de outubro incorporarase a vacinación infantil nos centros de saúde e nos 75 colexios.
O informe de balance do programa de axudas para a Atracción de Empresas a Galicia, unha liña xestionada pola Consellería de Economía e Industria a través do Igape que se consolida como un piar estable dentro da estratexia económica do Goberno galego, reflicte que entre os anos 2024 e 2026, este programa permitiu a concesión de 74,08 millóns de euros en subvencións públicas, unha contía que impulsou a posta en marcha de 96 proxectos empresariais e que xerará un impacto económico total de 256,75 millóns de euros en mobilización de investimento privado.
